ਪ੍ਰਭਾਤ ਤੇ ਨਿਧੀ ਨੇ ਜਿੱਤਿਆ ਭਾਰ ਘਟਾਉਣ ਦਾ ਮੁਕਾਬਲਾ
ਚੰਡੀਗਡ਼੍ਹ ਪ੍ਰੈੱਸ ਕਲੱਬ ਨੇ ਭਾਰ ਘਟਾਉਣ ਮੁਕਾਬਲੇ ਦੇ ਮੁਕਾਬਲੇ ਕਰਵਾਏ
Advertisement
ਚੰਡੀਗੜ੍ਹ ਪ੍ਰੈੱਸ ਕਲੱਬ ਦੇ 45 ਸਾਲ ਪੂਰੇ ਹੋਣ ’ਤੇ ਸਥਾਪਨਾ ਮਹੀਨੇ ਦੇ ਜਸ਼ਨਾਂ ਦੌਰਾਨ ਭਾਰ ਘਟਾਉਣ ਦੇ ਮੁਕਾਬਲੇ ਕਰਵਾਏ ਗਏ। ਇਸ ਵਿੱਚ 120 ਦੇ ਕਰੀਬ ਕਲੱਬ ਮੈਂਬਰ ਤੇ ਉਨ੍ਹਾਂ ਦੇ ਜੀਵਨ ਸਾਥੀਆਂ ਨੇ ਹਿੱਸਾ ਲਿਆ। ਇਸ ਮੁਕਾਬਲੇ ਵਿੱਚ ਪ੍ਰਭਾਤ ਕਟਿਆਰ ਨੇ 18.580 ਕਿਲੋ ਭਾਰ ਘਟਾ ਕੇ ਪੁਰਸ਼ ਵਰਗ ਵਿੱਚ ਸਿਖਰਲਾ ਪੁਰਸਕਾਰ ਪ੍ਰਾਪਤ ਕੀਤਾ। ਮਨਸਾ ਰਾਮ ਰਾਵਤ 12.880 ਕਿਲੋਗ੍ਰਾਮ ਭਾਰ ਘਟਾਉਣ ਨਾਲ ਦੂਜੇ ਸਥਾਨ ’ਤੇ ਰਹੇ, ਜਦੋਂ ਕਿ ਰਾਜਿੰਦਰ ਸ਼ਰਮਾ ਨੇ 11.070 ਕਿਲੋ ਭਾਰ ਘਟਾ ਕੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਆਤਿਸ਼ ਗੁਪਤਾ 8.380 ਕਿਲੋ ਭਾਰ ਘਟਾ ਕੇ ਚੌਥੇ ਸਥਾਨ ਅਤੇ ਅਜੈ ਜਲੰਧਰੀ ਤੇ ਅਬ੍ਰਾਹਮ ਵਰਗੀਸ 6.700 ਕਿਲੋ ਭਾਰ ਘਟਾ ਕੇ ਪੰਜਵੇਂ ਸਥਾਨ ’ਤੇ ਰਹੇ। ਕਲੱਬ ਦੇ ਪ੍ਰਧਾਨ ਸੌਰਭ ਦੁੱਗਲ ਨੇ 13.780 ਕਿਲੋ ਭਾਰ ਘਟਾਇਆ। ਹਾਲਾਂਕਿ ਉਹ ਪ੍ਰਧਾਨ ਹੋਣ ਕਰਕੇ ਖੁਦ ਮੁਕਾਬਲੇ ਤੋਂ ਬਾਹਰ ਰਹੇ।
ਮਹਿਲਾ ਵਰਗ ਵਿੱਚ ਨਿਧੀ ਵਾਹੀ ਨੇ 7.300 ਕਿਲੋ ਭਾਰ ਘਟਾ ਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਨਿਤਾਸ਼ਾ ਸ਼ਰਮਾ, 5.860 ਕਿਲੋ ਭਾਰ ਘਟਾ ਕੇ ਦੂਜੇ, ਜਦੋਂ ਕਿ ਵੰਦਨਾ ਢੱਲ 5.340 ਕਿਲੋ ਭਾਰ ਘਟਾ ਕੇ ਤੀਜੇ ਸਥਾਨ ’ਤੇ ਰਹੀ। ਸਰਲਾ ਰਾਵਤ, 4.680 ਕਿਲੋ ਭਾਰ ਘਟਾਉਂਦਿਆਂ ਚੌਥੇ ਸਥਾਨ ’ਤੇ, ਜਦੋਂ ਕਿ ਸਤਿੰਦਰ ਕੌਰ, 4.510 ਕਿਲੋ ਨਾਲ ਪੰਜਵੇਂ ਸਥਾਨ ’ਤੇ ਰਹੀ। ਇਸ ਦੌਰਾਨ ਜੇਤੂਆਂ ਤੋਂ ਇਲਾਵਾ ਦੋ ਕਿਲੋ ਤੋਂ ਵੱਧ ਭਾਰ ਘਟਾਉਣ ਵਾਲਿਆਂ ਦਾ ਵੀ ਸਨਮਾਨ ਕੀਤਾ ਗਿਆ। ਕਲੱਬ ਦੇ ਸਾਬਕਾ ਪ੍ਰਧਾਨ ਤੇ ਸਾਬਕਾ ਰਾਸ਼ਟਰੀ ਪੱਧਰ ਦੀ ਲੰਬੀ ਦੂਰੀ ਦੀ ਦੌੜਾਕ ਬਰਿੰਦਰ ਸਿੰਘ ਰਾਵਤ ਨੇ ਮੁੱਖ ਮਹਿਮਾਨ ਅਤੇ ਫਿਟਨੈਸ ਮਾਹਰ ਸੁਰੇਸ਼ ਕੁਮਾਰ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਹ ਸਮਾਗਮ ਐੱਸਐੱਸ ਫਿਟਨੈਸ ਕਲੱਬ ਦੁਆਰਾ ਸਪਾਂਸਰ ਕੀਤਾ ਗਿਆ ਸੀ।
Advertisement
Advertisement
Copyright @2025 Punjabi Tribune
Designed and developed by : 