ਹਲਕਾ ਡੇਰਾਬੱਸੀ ’ਚ ਚੋਣ ਸਰਗਰਮੀਆਂ ਤੇਜ਼

ਹਲਕਾ ਵਿੱਚ ਜ਼ਿਲ੍ਹਾ ਪਰਿਸ਼ਦ ਅਤੇ ਬਲਾਕ ਸਮਿਤੀ ਚੋਣਾਂ ਲਈ ਸਿਆਸੀ ਸਰਗਰਮੀਆਂ ਤੇਜ਼ ਹੋ ਗਈਆਂ ਹਨ।

ਇਸ ਵਾਰ ਸਾਰੀਆਂ ਪਾਰਟੀਆਂ ਨੇ ਚੋਣਾਂ ਲੜਨ ਦੀ ਹਾਮੀ ਭਰੀ ਹੈ। ਇਸ ਵਿੱਚ ਸੱਤਾਧਾਰੀ ‘ਆਪ’ ਅਕਾਲੀ ਦਲ, ਕਾਂਗਰਸ ਅਤੇ ਭਾਜਪਾ ਵੱਲੋਂ ਚੋਣ ਲੜਨ ਦਾ ਫ਼ੈਸਲਾ ਕੀਤਾ ਹੈ।

ਜਾਣਕਾਰੀ ਅਨੁਸਾਰ 14 ਦਸੰਬਰ ਨੂੰ ਵੋਟਾਂ ਪੈਣਗੀਆਂ ਅਤੇ 17 ਦਸੰਬਰ ਨੂੰ ਨਤੀਜੇ ਆਉਣਗੇ। ਇਸ ਵਾਰ ਹਲਕੇ ਵਿੱਚ ਤਿੰਨ ਜ਼ਿਲ੍ਹਾ ਪਰਿਸ਼ਦ ਸੀਟਾਂ ਜੋਲਾ ਕਲਾਂ, ਧਰਮਗੜ੍ਹ ਅਤੇ ਭਾਂਖਰਪੁਰ ਜਨਰਲ ਹਨ। ਇਸੇ ਤਰ੍ਹਾਂ 22 ਬਲਾਕ ਸਮਿਤੀ ਸੀਟਾਂ ਜਿਊਲੀ ਐੱਸ ਸੀ, ਮਲਕਪੁਰ ਐੱਸ ਸੀ, ਗੁਰੂ ਨਾਨਕ ਕਲੋਨੀ ਐੱਸ ਸੀ, ਜਵਾਹਰਪੁਰ ਐੱਸ ਸੀ ਮਹਿਲਾ, ਚੰਡਿਆਲਾ ਐੱਸ ਸੀ ਮਹਿਲਾ, ਸਮਗੌਲੀ ਮਹਿਲਾ, ਪੰਡਵਾਲਾ ਮਹਿਲਾ, ਪਰਾਗਪੁਰ ਮਹਿਲਾ, ਖੇੜੀ ਗੁੱਜਰਾਂ ਮਹਿਲਾ, ਅਮਲਾਲਾ ਮਹਿਲਾ, ਝਰਮੜੀ ਮਹਿਲਾ, ਸਰਸੀਣੀ ਮਹਿਲਾ, ਕੁੜਾਵਾਲਾ ਮਹਿਲਾ, ਧਰਮਗੜ੍ਹ ਬੀ ਸੀ, ਭਾਗਸੀ ਮਹਿਲਾ, ਹੰਡੇਸਰਾ ਜਨਰਲ, ਖੇਲਣ ਜਨਰਲ, ਤ੍ਰਿਵੇਦੀ ਕੈਂਪ ਜਨਰਲ, ਭਾਂਖਰਪੁਰ ਜਨਰਲ, ਰਾਣੀ ਮਾਜਰਾ ਜਨਰਲ, ਬਸੌਲੀ ਜਨਰਲ, ਹਮਾਂਯੂਪੁਰ ਜਨਰਲ ਵਿੱਚ ਚੋਣ ਲੜੀ ਜਾਵੇਗੀ। ਆਮ ਆਦਮੀ ਪਾਰਟੀ ਦੇ ਹਲਕਾ ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਨੇ ਕਿਹਾ ਕਿ ਚੋਣਾਂ ਲਈ ਪੂਰੀ ਤਿਆਰੀ ਵਿੱਢੀ ਜਾ ਰਹੀ ਹੈ। ਸ਼੍ਰੋਮਣੀ ਅਕਾਲੀ ਦਲ ਦੇ ਸਾਬਕਾ ਵਿਧਾਇਕ ਐੱਨ ਕੇ ਸ਼ਰਮਾ ਨੇ ਕਿਹਾ ਕਿ ਚੰਗੇ ਆਗੂਆਂ ਨੂੰ ਮੈਦਾਨ ਵਿੱਚ ਉੱਤਾਰਿਆ ਜਾਵੇਗਾ। ਕਾਂਗਰਸ ਪਾਰਟੀ ਦੇ ਹਲਕਾ ਇੰਚਾਰਜ ਦੀਪਇੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਪੂਰੀ ਤਿਆਰੀ ਨਾਲ ਚੋਣਾਂ ਵਿੱਚ ਉੱਤਰੇਗੀ। ਭਾਜਪਾ ਦੇ ਸੀਨੀਅਰ ਆਗੂ ਗੁਰਦਰਸ਼ਨ ਸਿੰਘ ਸੈਣੀ ਨੇ ਕਿਹਾ ਕਿ ਪਾਰਟੀ ਵੱਲੋਂ ਹਰਮਿੰਦਰ ਸਿੰਘ ਜੱਸੀ ਨੂੰ ਹਲਕੇ ਦੇ ਆਬਜ਼ਰਵਰ ਲਾਇਆ ਗਿਆ ਹੈ, ਜਿਨ੍ਹਾਂ ਦੀ ਅਗਵਾਈ ਹੇਠ ਚੋਣ ਲੜੀ ਜਾਵੇਗੀ।