ਕ੍ਰਿਕਟ: ਸਿੰਮੀ ਇਲੈਵਨ ਦੀ ਟੀਮ ਚੈਂਪੀਅਨ
ਕਰੀਕੋ ਕ੍ਰਿਕਟ ਅਕੈਡਮੀ ਸੈਕਟਰ 102 ਮੁਹਾਲੀ ਵਿੱਚ ਕਰਵਾਏ ਚਾਰ ਰੋਜ਼ਾ ਟੂਰਨਾਮੈਂਟ ਵਿੱਚ ਸਿੰਮੀ ਇਲੈਵਨ ਦੀ ਟੀਮ ਚੈਂਪੀਅਨ ਬਣੀ, ਜਦੋਂ ਕਿ ਕਰੀਕੋ ਕ੍ਰਿਕਟ ਇਲੈਵਨ ਉਪਜੇਤੂ ਰਹੀ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਕਰੀਕੋ ਇਲੈਵਨ ਦੀ ਟੀਮ 21ਵੇਂ ਓਵਰ ਵਿੱਚ 100 ਦੌੜਾਂ ’ਤੇ ਆਊਟ ਹੋ ਗਈ, ਜਵਾਬੀ ਟੀਮ ਸਿੰਮੀ ਇਲੈਵਨ ਨੇ ਇਹ ਟੀਚਾ 23ਵੇਂ ਓਵਰ ਵਿੱਚ ਹਾਸਲ ਕਰ ਲਿਆ। ਸਿੰਮੀ ਇਲੈਵਨ ਦੀ ਟੀਮ ਦੇ ਖਿਡਾਰੀ ਵਿਹਾਨ ਨੂੰ ਮੈਨ ਆਫ ਦਿ ਸੀਰੀਜ਼ ਦੀ ਟਰਾਫੀ ਮਿਲੀ, ਜਦੋਂਕਿ ਸਰਵੀਰ ਬੈਸਟ ਬੱਲੇਬਾਜ਼, ਦਰੀਸ਼ਾ ਬੈਸਟ ਗੇਂਦਬਾਜ਼, ਆਰਵ ਸ਼ਰਮਾ ਬੈਸਟ ਫੀਲਡਿੰਗ, ਸ਼ਰੇਸ਼ਥ ਬੈਸਟ ਵੀਕਟ ਕੀਪਰ ਅਤੇ ਰਿਹਾਨ ਨੂੰ ਬੈਸਟ ਆਲ ਰਾਊਂਡਰ ਦਾ ਖ਼ਿਤਾਬ ਮਿਲਿਆ। ਪੰਜਾਬ ਐੱਸ ਸੀ ਕਮਿਸ਼ਨ ਦੇ ਚੇਅਰਮੈਨ ਗੁਰਪ੍ਰੀਤ ਸਿੰਘ ਜੀ ਪੀ ਨੇ ਇਨਾਮ ਵੰਡਣ ਦੀ ਰਸਮ ਨਿਭਾਈ। ਮੈਚ ਦਾ ਉਦਘਾਟਨ ਡਾ. ਬਲਬੀਰ ਸਿੰਘ ਢੋਲ ਸੇਵਾਮੁਕਤ ਪੀ ਸੀ ਐੱਸ ਅਫਸਰ ਨੇ ਕੀਤਾ। ਇਸ ਤਿਕੋਣੀ ਲੜੀ ਕਰੀਕੋ ਕ੍ਰਿਕਟ ਅਕੈਡਮੀ ਦੇ ਨਿਰਦੇਸ਼ਕ ਕੌਮਾਂਤਰੀ ਕ੍ਰਿਕਟ ਖਿਡਾਰੀ ਸਿਮਰਨਜੀਤ ਸਿੰਘ ਸਿੰਮੀ, ਕੌਮਾਂਤਰੀ ਕ੍ਰਿਕਟ ਕੋਚ ਸੁਖਵਿੰਦਰ ਸਿੰਘ ਟਿੰਕੂ ਵੱਲੋਂ ਕਰਵਾਈ ਗਈ। ਇਨਾਮ ਵੰਡ ਸਮਾਗਮ ਦੌਰਾਨ ਡਾ ਜੋਗਿੰਦਰ ਸਿੰਘ, ਨੰਬਰਦਾਰ ਬਲਕਾਰ ਸਿੰਘ, ਨੰਬਰਦਾਰ ਹਰਨੇਕ ਸਿੰਘ, ਪਿੰਡ ਸੁਧਾਰ ਸੁਸਾਇਟੀ ਦੇ ਪ੍ਰਧਾਨ ਗੁਰਜੀਤ ਸਿੰਘ ਸੇਵਾਮੁਕਤ ਲੈਕਚਰਾਰ ਨਰਿੰਦਰ ਸਿੰਘ, ਸੇਵਾਮੁਕਤ ਐਕਸੀਅਨ ਜਗਦੀਸ਼ ਸਿੰਘ ਹਾਜ਼ਰ ਸਨ।
