‘ਆਪ’ ਸਰਕਾਰ ਨੇ 10 ਚੋਣ ਵਾਅਦੇ ਪੁਗਾਏ: ਗੈਰੀ ਬੜਿੰਗ

ਅਮਲੋਹ ਹਲਕੇ ਦੇ ਵਿਧਾਇਕ ਗੁਰਿੰਦਰ ਸਿੰਘ ਗੈਰੀ ਬੜਿੰਗ ਨੇ ਜ਼ਿਲ੍ਹਾ ਪਰਿਸ਼ਦ ਦੇ ਸੌਟੀ ਜ਼ੋਨ ਤੋਂ ਉਮੀਦਵਾਰ ਅਮਨਦੀਪ ਕੌਰ ਗਰੇਵਾਲ ਡਡਹੇੜੀ ਤੇ ਬਲਾਕ ਸਮਿਤੀ ਦੇ ਖਨਿਆਣ ਜ਼ੋਨ ਤੋਂ ਕਰਮਜੀਤ ਕੌਰ ਸ਼ੇਰਗਿੱਲ ਦੇ ਹੱਕ ਵਿਚ ਪਿੰਡ ਮਾਜਰੀ ਕਿਸਨੇ ਵਾਲੀ ਅਤੇ ਮਾਜਰੀ ਅਰਾਈਆਂ ਵਿਚ ਚੋਣ ਮੀਟਿੰਗਾਂ ਮੌਕੇ ਕਿਹਾ ਕਿ ਪੰਜਾਬ ਦੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਕਹਿਣੀ ਅਤੇ ਕਰਨੀ ਦੀ ਪਰਪੱਕ ਹੈ। ਉਨ੍ਹਾਂ ਕਿਹਾ ਕਿ ‘ਆਪ’ ਨੇ ਚੋਣਾਂ ਤੋਂ ਪਹਿਲਾਂ ਲੋਕਾਂ ਨਾਲ ਜਿਹੜੇ 11 ਵਾਅਦੇ ਕੀਤੇ ਸਨ ਉਨ੍ਹਾਂ ’ਚੋਂ 10 ਪੂਰੇ ਕਰ ਦਿਤੇ ਤੇ ਔਰਤਾਂ ਦਾ 1 ਹਜ਼ਾਰ ਰੁਪਏ ਮਹੀਨੇ ਦਾ ਵਾਆਦਾ ਜਲਦ ਪੂਰਾ ਕੀਤਾ ਜਾਵੇਗਾ। ਉਨ੍ਹਾਂ ਕਿ ਕਾਂਗਰਸ ਅਤੇ ਅਕਾਲੀ-ਭਾਜਪਾ ਸਰਕਾਰਾਂ ਸਮੇਂ ਅਖੀਰਲੇ 6 ਮਹੀਨੇ ਦੌਰਾਨ ਨਾਮਾਤਰ ਕੰਮ ਕਰਕੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾਦਾ ਸੀ। ਇਸ ਮੌਕੇ ਇਕਬਾਲ ਸਿੰਘ ਅੰਨੀਆਂ, ਅਮਨਿੰਦਰ ਸਿੰਘ ਸਰਪੰਚ ਡਡਹੇੜੀ, ਸਲਾਣੀ ਜ਼ੋਨ ਤੋਂ ਉਮੀਦਵਾਰ ਗੁਰਬਚਨ ਸਿੰਘ, ਬਲਾਕ ਪ੍ਰਧਾਨ ਗੁਰਸੇਵਕ ਸਿੰਘ ਮੁੱਢੜੀਆਂ, ਦਵਿੰਦਰ ਸਿੰਘ ਰੰਘੇੜਾ, ਕਰਨੈਲ ਸਿੰਘ ਮੁਢੜੀਆਂ ਅਤੇ ਗੁਰਸਰਨ ਸਿੰਘ ਰੰਘੇੜੀ ਆਦਿ ਨੇ ਸੰਬੋਧਨ ਕੀਤਾ।