ਭਾਰਤ ਨੇ ਟਾਸ ਜਿੱਤਿਆ; ਦੱਖਣੀ ਅਫਰੀਕਾ ਦੀ ਪਹਿਲੀ ਵਿਕਟ ਡਿੱਗੀ

ਇੱਥੇ ਭਾਰਤ ਨੇ ਦੱਖਣੀ ਅਫਰੀਕਾ ਖ਼ਿਲਾਫ਼ ਫੈਸਲਾਕੁਨ ਤੀਜੇ ਅਤੇ ਆਖਰੀ ਇੱਕ ਦਿਨਾ ਕੌਮਾਂਤਰੀ ਮੈਚ ਵਿੱਚ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤ ਨੇ ਰਾਏਪੁਰ ਵਿੱਚ ਦੂਜਾ ਇੱਕ ਦਿਨਾ ਮੈਚ ਹਾਰਨ ਵਾਲੀ ਟੀਮ ਵਿੱਚ ਇੱਕ ਬਦਲਾਅ ਕੀਤਾ। ਭਾਰਤ ਨੇ ਹਰਫ਼ਨਮੌਲਾ ਵਾਸ਼ਿੰਗਟਨ ਸੁੰਦਰ ਦੀ ਥਾਂ ਤਿਲਕ ਵਰਮਾ ਨੂੰ ਟੀਮ ਵਿਚ ਸ਼ਾਮਲ ਕੀਤਾ ਹੈ। ਦੱਖਣੀ ਅਫਰੀਕਾ ਨੇ ਦੋ ਵਿਕਟਾਂ ਦੇ ਨੁਕਸਾਨ ਨਾਲ 27.2 ਓਵਰਾਂ ਵਿਚ 162 ਦੌੜਾਂ ਬਣਾ ਲਈਆਂ ਹਨ।

ਦੂਜੇ ਪਾਸੇ ਦੱਖਣੀ ਅਫਰੀਕਾ ਦੇ ਖਿਡਾਰੀ ਨੈਂਡਰੇ ਬਰਗਰ ਅਤੇ ਟੋਨੀ ਡੀ ਜ਼ੋਰਜ਼ੀ ਸੱਟਾਂ ਕਾਰਨ ਮੈਚ ਨਹੀਂ ਖੇਡਣਗੇ ਤੇ ਮਹਿਮਾਨ ਟੀਮ ਨੇ ਉਨ੍ਹਾਂ ਦੀ ਥਾਂ ਰਿਆਨ ਰਿਕਲਟਨ ਅਤੇ ਓਟਨਿਲ ਬਾਰਟਮੈਨ ਨੂੰ ਸ਼ਾਮਲ ਕੀਤਾ ਹੈ। ਬਰਗਰ ਅਤੇ ਡੀ ਜ਼ੋਰਜ਼ੀ ਨੂੰ ਕੁਝ ਹਫ਼ਤਿਆਂ ਲਈ ਬਾਹਰ ਕਰ ਦਿੱਤਾ ਗਿਆ ਹੈ। ਪਿਛਲੇ ਮੈਚ ਦੌਰਾਨ ਦੋਵਾਂ ਦੀ ਪੱਟ (ਹੈਮਸਟਰਿੰਗ) ਦੇ ਪਿੱਛੇ ਪਾਸੇ ਵਾਲੀ ਮਾਸਪੇਸ਼ੀ ਖਿੱਚੀ ਗਈ ਸੀ।

ਭਾਰਤ ਨੇ ਪਹਿਲਾ ਇੱਕ ਰੋਜ਼ਾ ਜਿੱਤਿਆ ਸੀ ਅਤੇ ਦੱਖਣੀ ਅਫਰੀਕਾ ਨੇ ਰਾਏਪੁਰ ਵਿੱਚ ਮੈਚ ਜਿੱਤਣ ਤੋਂ ਬਾਅਦ ਲੜੀ 1-1 ਨਾਲ ਬਰਾਬਰ ਕਰ ਲਈ ਸੀ। ਇਸ ਤੋਂ ਪਹਿਲਾਂਭਾਰਤ ਦੇ ਕਪਤਾਨ ਕੇ.ਐਲ. ਰਾਹੁਲ ਨੇ ਅੱਜ ਲਗਾਤਾਰ 20 ਹਾਰਾਂ ਤੋਂ ਬਾਅਦ ਟਾਸ ਜਿੱਤਿਆ।

ਟੀਮਾਂ:

ਦੱਖਣੀ ਅਫਰੀਕਾ: ਰਿਆਨ ਰਿਕੇਲਟਨ, ਕੁਇੰਟਨ ਡੀ ਕਾਕ (ਵਿਕਟਕੀਪਰ), ਟੇਂਬਾ ਬਾਵੁਮਾ (ਕਪਤਾਨ), ਮੈਥਿਊ ਬ੍ਰੀਟਜ਼ਕੇ, ਏਡੇਨ ਮਾਰਕਰਮ, ਡਿਵਾਲਡ ਬ੍ਰੇਵਿਸ, ਮਾਰਕੋ ਜਾਨਸਨ, ਕੋਰਬਿਨ ਬੋਸ਼, ਕੇਸ਼ਵ ਮਹਾਰਾਜ, ਲੁੰਗੀ ਐਨਗਿਡੀ, ਓਟਨੀਲ ਬਾਰਟਮੈਨ

ਭਾਰਤ: ਰੋਹਿਤ ਸ਼ਰਮਾ, ਯਸ਼ੱਸਵੀ ਜੈਸਵਾਲ, ਵਿਰਾਟ ਕੋਹਲੀ, ਰਿਤੂਰਾਜ ਗਾਇਕਵਾੜ, ਕੇ ਐਲ ਰਾਹੁਲ (ਕਪਤਾਨ) ਰਾਵਿੰਦਰ ਜਡੇਜਾ, ਤਿਲਕ ਵਰਮਾ, ਹਰਸ਼ਿਤ ਰਾਣਾ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਪ੍ਰਸੀਦ ਕ੍ਰਿਸ਼ਨ। ਪੀ.ਟੀ.ਆਈ