ਮੁੰਬਈ, 23 ਜੂਨ
ਮਹਾਰਾਸ਼ਟਰ ਦੀ ਸੱਤਾਧਾਰੀ ਮਹਾ ਵਿਕਾਸ ਅਗਾੜੀ (ਐੱਮਵੀਏ) ਸਰਕਾਰ ਵਿੱਚ ਚੱਲ ਰਹੇ ਸਿਆਸੀ ਸੰਕਟ ਦੌਰਾਨ ਸ਼ਿਵ ਸੈਨਾ ਦੇ ਤਿੰਨ ਹੋਰ ਵਿਧਾਇਕ ਕੈਬਨਿਟ ਮੰਤਰੀ ਏਕਨਾਥ ਸ਼ਿੰਦੇ ਦੀ ਅਗਵਾਈ ਵਿੱਚ ਬਾਗੀ ਕੈਂਪ ਵਿੱਚ ਸ਼ਾਮਲ ਹੋਣ ਲਈ ਅੱਜ ਗੁਹਾਟੀ ਲਈ ਰਵਾਨਾ ਹੋ ਗਏ। ਸ਼ਿੰਦੇ ਦੇ ਨੇੜਲੇ ਨੇ ਦੱਸਿਆ ਕਿ ਸਾਵੰਤਵਾੜੀ ਦੇ ਵਿਧਾਇਕ ਦੀਪਕ ਕੇਸਕਰ, ਚੈਂਬੂਰ ਦੇ ਵਿਧਾਇਕ ਮੰਗੇਸ਼ ਕੁਡਲਕਰ ਅਤੇ ਦਾਦਰ ਦੇ ਵਿਧਾਇਕ ਸਦਾ ਸਰਵੰਕਰ ਸਵੇਰੇ ਮੁੰਬਈ ਤੋਂ ਗੁਹਾਟੀ ਲਈ ਰਵਾਨਾ ਹੋਏ। ਮਹਾਰਾਸ਼ਟਰ ਦੇ ਮੰਤਰੀ ਗੁਲਾਬਰਾਓ ਪਾਟਿਲ ਸਮੇਤ ਚਾਰ ਵਿਧਾਇਕ ਬੁੱਧਵਾਰ ਸ਼ਾਮ ਨੂੰ ਗੁਹਾਟੀ ਲਈ ਰਵਾਨਾ ਹੋਏ ਸਨ। ਸੂਤਰਾਂ ਨੇ ਦੱਸਿਆ ਕਿ ਸ਼ਿੰਦੇ ਆਪਣੇ ਨਾਲ ਮੌਜੂਦ ਵਿਧਾਇਕਾਂ ਨਾਲ ਸਲਾਹ-ਮਸ਼ਵਰਾ ਕਰਨਗੇ ਅਤੇ ਫਿਰ ਫੈਸਲਾ ਕਰਨਗੇ ਕਿ ਮੁੰਬਈ ਕਦੋਂ ਵਾਪਸ ਜਾਣਾ ਹੈ।