ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 3 ਜੁਲਾਈ
ਦਿੱਲੀ ਵਾਸੀ ਪੰਜਾਬੀ ਨਾਵਲਕਾਰ ਰੂਪ ਸਿੰਘ ਦੇ ਪੁੱਤਰ ਅਮਨਦੀਪ ਸਿੰਘ ਦੇ ਸਸਕਾਰ ਮੌਕੇ ਪੁੱਜੇ ਦਿੱਲੀ ਦੇ ਲੇਖਕ, ਬੁੱਧੀਜੀਵੀ ਤੇ ਸਿਆਸੀ ਆਗੂਆਂ ਵੱਲੋਂ ਪਿਤਾ ਨਾਲ ਦੁੱਖ ਸਾਂਝਾ ਕੀਤਾ ਗਿਆ। ਮ੍ਰਿਤਕ ਅਮਨਦੀਪ ਸਿੰਘ ਦੀ ਦੇਹ ਦਾ ਅੱਜ ਪੋਸਟਮਾਰਟਮ ਕੀਤਾ ਗਿਆ ਜੋ 2 ਘੰਟੇ ਚੱਲਿਆ ਤੇ ਸਸਕਾਰ ਮੌਕੇ ਦਿੱਲੀ ਪੁਲੀਸ ਦੇ ਸੀਨੀਅਰ ਅਧਿਕਾਰੀ ਸ਼ਮਸ਼ਾਨਘਾਟ ਪੁੱਜੇ। ਪੰਜਾਬੀ ਸਾਹਿਤ ਸਭਾ ਦਿੱਲੀ ਦੇ ਡਾਇਰੈਕਟਰ ਬਲਬੀਰ ਮਾਧੋਪੁਰੀ, ਕੁਲਦੀਪ ਸੰਧੂ, ਕਵੀ ਗੁਰਚਰਨ, ‘ਤਾਮਤ’ ਦੇ ਸੰਪਾਦਕ ਸਤਪਾਲ ਭੀਖੀ ਤੇ ਸਹਾਇਕ ਸੰਪਾਦਕ ਸੁਮੀਤ ਸ਼ਮੀ, ਪ੍ਰਕਾਸ਼ਕ ਗ੍ਰੇਸ਼ੀਅਸ ਤੋਂ ਸੁਖਵਿੰਦਰ (ਪਟਿਆਲਾ), ਹਾਸਰਸ ਕਵੀ ਮਹਿੰਦਰ ਸ਼ਰਮਾ, ਲੇਖਕ ਐਫ.ਸੀ. ਮੱਲ ਤੇ ਹੋਰਾਂ ਨੇ ਦੁੱਖ ਸਾਂਝਾ ਕੀਤਾ।