ਨਿੱਜੀ ਪੱਤਰ ਪ੍ਰੇਰਕ
ਸੰਗਰੂਰ, 8 ਮਈ
ਜ਼ਿਲ੍ਹਾ ਸੰਗਰੂਰ ਵਿੱਚ ਅੱਜ ਚਾਰ ਔਰਤਾਂ ਸਣੇ 11 ਕਰੋਨਾ ਪੀੜਤਾਂ ਦੀ ਮੌਤ ਹੋਈ ਹੈ ਤੇ 244 ਨਵੇਂ ਕੇਸ ਸਾਹਮਣੇ ਆਏ ਹਨ। ਜ਼ਿਲ੍ਹੇ ’ਚ ਐਕਟਿਵ ਮਰੀਜ਼ਾਂ ਦੀ ਗਿਣਤੀ 1869 ਹੋ ਗਈ ਹੈ ਤੇ 168 ਮਰੀਜ਼ ਤੰਦਰੁਸਤੀ ਪਾਉਣ ਵਿਚ ਸਫ਼ਲ ਹੋਏ ਹਨ। ਜ਼ਿਲ੍ਹੇ ’ਚ ਕੁੱਲ ਮੌਤਾਂ ਦੀ ਗਿਣਤੀ 439 ਹੋ ਚੁੱਕੀ ਹੈ। ਵੇਰਵਿਆਂ ਅਨੁਸਾਰ ਬਲਾਕ ਅਮਰਗੜ੍ਹ ਵਾਸੀ ਦੀ ਮੌਤ ਰਾਜਿੰਦਰਾ ਹਸਪਤਾਲ ਪਟਿਆਲਾ, ਬਲਾਕ ਮੂਨਕ ਵਾਸੀ ਦੀ ਮੌਤ ਐੱਸ.ਡੀ. ਹਸਪਤਾਲ ਮਲੇਰਕੋਟਲਾ, ਬਲਾਕ ਸ਼ੇਰਪੁਰ ਵਾਸੀ ਦੀ ਮੌਤ ਰਾਜਿੰਦਰਾ ਹਸਪਤਾਲ, ਬਲਾਕ ਸੰਗਰੂਰ ਵਾਸੀ ਮਹਿਲਾ ਦੀ ਮੌਤ ਰਾਜਿੰਦਰਾ ਹਸਪਤਾਲ, ਬਲਾਕ ਮੂਨਕ ਵਾਸੀ ਔਰਤ ਦੀ ਮੌਤ ਰਾਜਿੰਦਰਾ ਹਸਪਤਾਲ ਵਿੱਚ, ਬਲਾਕ ਸੰਗਰੂਰ ਵਾਸੀ ਔਰਤ ਦੀ ਮੌਤ ਡੀਐੱਮਸੀ ਲੁਧਿਆਣਾ ਤੇ ਬਲਾਕ ਸੰਗਰੂਰ ਦੀ ਹੀ ਬਿਰਧ ਔਰਤ ਦੀ ਮੌਤ ਸਿਵਲ ਹਸਪਤਾਲ ਸੰਗਰੂਰ, ਬਲਾਕ ਲੌਂਗੋਵਾਲ ਵਾਸੀ ਦੀ ਮੌਤ ਸਦਭਾਵਨਾ ਹਸਪਤਾਲ ਪਟਿਆਲਾ, ਬਲਾਕ ਲੌਂਗੋਵਾਲ ਦੇ ਹੀ ਵਿਅਕਤੀ ਦੀ ਮੌਤ ਜੀਜੀਐੱਮਸੀ ਫਰੀਦਕੋਟ, ਬਲਾਕ ਸੰਗਰੂਰ ਵਾਸੀ ਦੀ ਮੌਤ ਚੈਰੀਟੇਬਲ ਹਸਪਤਾਲ ਲੁਧਿਆਣਾ ਅਤੇ ਬਲਾਕ ਲੌਂਗੋਵਾਲ ਦੇ ਵਿਅਕਤੀ ਦੀ ਮੌਤ ਰਾਜਿੰਦਰਾ ਹਸਪਤਾਲ ਵਿੱਚ ਹੋਈ ਹੈ। ਇਸ ਤੋਂ ਇਲਾਵਾ ਅੱਜ 244 ਨਵੇਂ ਕੇਸ ਸਾਹਮਣੇ ਆਏ ਹਨ।
ਸਮਾਣਾ (ਸੁਭਾਸ਼ ਚੰਦਰ): ਇਥੇ ਅੱਜ ਦੋ ਕਰੋਨਾ ਪੀੜਤਾਂ ਦੀ ਮੌਤ ਉਪਰੰਤ ਸਥਾਨਕ ਸ਼ਮਸ਼ਾਨਘਾਟ ਵਿੱਚ ਲਾਸ਼ਾਂ ਦਾ ਅਤਿੰਮ ਸਸਕਾਰ ਕੀਤਾ ਗਿਆ। ਸਿਹਤ ਅਧਿਕਾਰੀਆਂ ਅਨੁਸਾਰ ਮ੍ਰਿਤਕਾਂ ਵਿਚ ਸਥਾਨਕ ਮੱਛੀਹਟਾ ਵਾਸੀ ਔਰਤ ਅਤੇ ਅੰਬਿਕਾ ਕਲੋਨੀ ਵਾਸੀ ਵਿਅਕਤੀ ਸ਼ਾਮਲ ਹੈ।