ਪੁਣੇ: ਭਾਰਤੀ ਫ਼ੌਜ ਦੀ ਇਕ 43 ਸਾਲਾ ਮਹਿਲਾ ਅਧਿਕਾਰੀ ਨੇ ਮਿਲਟਰੀ ਇੰਟੈਲੀਜੈਂਸ ਸਿਖ਼ਲਾਈ ਸਕੂਲ ਤੇ ਡਿਪੂ (ਪੁਣੇ) ਦੇ ਅੰਦਰ ਸਥਿਤ ਆਪਣੀ ਰਿਹਾਇਸ਼ ’ਤੇ ਫਾਹਾ ਲੈ ਲਿਆ ਹੈ। ਫ਼ੌਜ ਤੇ ਪੁਲੀਸ ਨੇ ਖ਼ੁਦਕੁਸ਼ੀ ਦਾ ਸ਼ੱਕ ਜ਼ਾਹਿਰ ਕੀਤਾ ਹੈ। ਘਟਨਾ ਦਾ ਖੁਲਾਸਾ ਉਦੋਂ ਹੋਇਆ ਜਦ ਸਟਾਫ਼ ਸਵੇਰੇ ਲੈਫ਼ਟੀਨੈਂਟ ਕਰਨਲ ਰੈਂਕ ਦੀ ਅਧਿਕਾਰੀ ਨੂੰ ਚਾਹ ਦੇਣ ਲਈ ਗਿਆ। ਉਸ ਨੇ ਆਪਣੇ ਗੱਲ ਦੁਆਲੇ ਦੁਪੱਟਾ ਲਪੇਟ ਕੇ ਫਾਹਾ ਲਿਆ ਹੋਇਆ ਸੀ। ਪੁਲੀਸ ਮੁਤਾਬਕ ਲੈਫ਼ ਕਰਨਲ ਸਿਖ਼ਲਾਈ ਲਈ ਆਈ ਸੀ। ਡੀਸੀਪੀ ਨਮਰਤਾ ਪਾਟਿਲ ਨੇ ਦੱਸਿਆ ਕਿ ਉਸ ਦੇ ਕੁਝ ਘਰੇਲੂ ਮਸਲੇ ਸਨ ਤੇ ਤਲਾਕ ਲਈ ਅਰਜ਼ੀ ਦਿੱਤੀ ਹੋਈ ਸੀ। ਪੁਲੀਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਫ਼ੌਜ ਨੇ ਵੀ ਕਿਹਾ ਹੈ ਕਿ ਮਹਿਲਾ ਅਧਿਕਾਰੀ ਸਿਖ਼ਲਾਈ ਲੈ ਰਹੀ ਸੀ ਤੇ ਖ਼ੁਦਕੁਸ਼ੀ ਦਾ ਸ਼ੱਕ ਹੈ। ਪੁਲੀਸ ਜਾਂਚ ਵਿਚ ਫ਼ੌਜ ਸਹਿਯੋਗ ਕਰ ਰਹੀ ਹੈ। -ਪੀਟੀਆਈ