ਲੰਡਨ, 17 ਅਕਤੂਬਰ
ਪੰਜਾਬ ਵਿਚ ਜਨਮੇ ਅਤੇ 40 ਸਾਲਾਂ ਤੋਂ ਵੱਧ ਸਮੇਂ ਤੋਂ ਆਇਰਲੈਂਡ ਵਿਚ ਰਹਿ ਰਹੇ 70 ਸਾਲਾ ਵਿਨੋਦ ਬਜਾਜ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ 115 ਦਿਨਾਂ ਵਿਚ ਧਰਤੀ ਦੇ ਘੇਰੇ ਦੇ ਬਰਾਬਰ 40075 ਕਿਲੋਮੀਟਰ ਦੀ ਯਾਤਰਾ ਪੂਰੀ ਕੀਤੀ ਹੈ ਅਤੇ ਗਿੰਨੀਜ਼ ਵਰਲਡ ਰਿਕਾਰਡ ਵਿੱਚ ਨਾਮ ਦਰਜ ਕਰਵਾਉਣ ਲਈ ਅਰਜ਼ੀ ਦਿੱਤੀ ਹੈ। ਉਸ ਅਨੁਸਾਰ, ਉਸ ਨੇ ਆਪਣੇ ਗ੍ਰਹਿ ਕਸਬੇ ਲਿਮਰਿਕ ਨੂੰ ਛੱਡੇ ਬਗ਼ੈਰ ਹੀ ‘ਅਰਥ ਵਾਕ’ ਪੂਰੀ ਕਰ ਲਈ ਹੈ। ਵਿਨੋਦ ਬਜਾਜ ਨੇ ਅਗਸਤ 2016 ਵਿਚ ਭਾਰ ਅਤੇ ਸਰੀਰ ਨੂੰ ਫਿੱਟ ਰੱਖਣ ਲਈ ਯਾਤਰਾ ਦੀ ਸ਼ੁਰੂਆਤ ਕੀਤੀ ਸੀ, ਜਿਵੇਂ ਹੀ ਭਾਰ ਘਟਿਆ ਤਾਂ ਇਸ ਨਾਲ ਉਸ ਨੂੰ ਹੋਰ ਉਤਸ਼ਾਹ ਦਿੱਤਾ।