ਮੁੰਬਈ: ਬੌਲੀਵੁੱਡ ਅਦਾਕਾਰਾ ਮ੍ਰਿਨਾਲ ਠਾਕੁਰ ਨੇ ਆਖਿਆ ਕਿ ਸਿਨੇ ਜਗਤ ਵਿੱਚ ਉਸ ਦਾ ਸਫ਼ਰ ‘ਖੂਬਸੂਰਤ’ ਤੇ ‘ਸਹਿਜ’ ਰਿਹਾ ਹੈ ਤੇ ਉਹ ਇਕ ਤੋਂ ਬਾਅਦ ਇੱਕ ਚੰਗੀਆਂ ਫ਼ਿਲਮਾਂ ਕਰਦੀ ਰਹੀ ਹੈ। ਅਦਾਕਾਰਾ ਨੇ 2018 ਵਿੱਚ ‘ਲਵ ਸੋਨੀਆ’ ਰਾਹੀਂ ਹਿੰਦੀ ਸਿਨੇ ਜਗਤ ਵਿੱਚ ਪੈਰ ਧਰਿਆ ਸੀ। ਉਸ ਨੇ ਅਦਾਕਾਰ ਰਿਤਿਕ ਰੋਸ਼ਨ ਨਾਲ ‘ਸੁਪਰ 30’, ਜੌਹਨ ਅਬਰਾਹਿਮ ਨਾਲ ‘ਬਾਟਲਾ ਹਾਊਸ’ ਤੇ ਫਰਹਾਨ ਅਖ਼ਤਰ ਨਾਲ ‘ਤੂਫਾਨ’ ਵਰਗੀਆਂ ਫਿਲਮਾਂ ਵਿਚ ਕੰਮ ਕੀਤਾ। ਮ੍ਰਿਨਾਲ ਹੁਣ ਸ਼ਾਹਿਦ ਕਪੂਰ ਨਾਲ ‘ਜਰਸੀ’ ਵਿੱਚ ਦਿਖਾਈ ਦੇਵੇਗੀ। ਮ੍ਰਿਨਾਲ ਨੇ ਕਿਹਾ, ‘‘ਮੇਰੇ ਲਈ ‘ਲਵ ਸੋਨੀਆ’ ਬੌਲੀਵੁੱਡ ਦੀ ਵੱਡੀ ਟਿਕਟ ਸੀ। ਮੈਨੂੰ ‘ਬਾਟਲਾ ਹਾਊਸ’ ਵਿੱਚ ਕੰਮ ਕਰਨ ਦਾ ਮੌਕਾ ਫ਼ਿਲਮ ‘ਲਵ ਸੋਨੀਆ’ ਸਦਕਾ ਹੀ ਮਿਲਿਆ। ਕਿਉਂਕਿ ਨਿਖਿਲ ਅਡਵਾਨੀ ਮੈਲਬਰਨ ਇੰਡੀਅਨ ਫਿਲਮ ਫੈਸਟੀਵਲ ਦੇ ਜੱਜਾਂ ’ਚ ਸ਼ਾਮਲ ਸਨ ਤੇ ‘ਲਵ ਸੋਨੀਆ’ ਉਥੇ ਦਿਖਾਈ ਜਾਣ ਵਾਲੀ ਪਹਿਲੀ ਫ਼ਿਲਮ ਸੀ। ਉਨ੍ਹਾਂ ਮੇਰੀ ਪੇਸ਼ਕਾਰੀ ਦੇਖੀ ਤੇ ਮੈਨੂੰ ‘ਬਾਟਲਾ ਹਾਊਸ’ ਲਈ ਕਾਸਟ ਕਰ ਲਿਆ ਤੇ ਜਦੋਂ ਮੈਂ ‘ਬਾਟਲਾ ਹਾਊਸ’ ਲਈ ਕੰਮ ਕਰ ਰਹੀ ਸੀ ਤਾਂ ਨਿਖਿਲ ਨੇ ਫਿਲਮ ਨਿਰਮਾਤਾ ਰਾਕੇਸ਼ ਓਮਪ੍ਰਕਾਸ਼ ਮਹਿਰਾ ਨਾਲ ਗੱਲ ਕੀਤੀ ਤੇ ਉਨ੍ਹਾਂ ਮੈਨੂੰ ‘ਤੂਫਾਨ’ ਲਈ ਕਾਸਟ ਕੀਤਾ। -ਪੀਟੀਆਈ
