ਰਵੇਲ ਸਿੰਘ ਭਿੰਡਰ
ਪਟਿਆਲਾ, 19 ਜਨਵਰੀ
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ’ਚ ਚਾਰ ਵਿਦਿਆਰਥੀ ਜਥੇਬੰਦੀਆਂ ਪੰਜਾਬ ਸਟੂਡੈਂਟਸ ਯੂਨੀਅਨ (ਲਲਕਾਰ), ਸਟੂਡੈਂਟਸ ਫੈਡਰੇਸ਼ਨ ਆਫ ਇੰਡੀਆ, ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਤੇ ਪੰਜਾਬ ਸਟੂਡੈਂਟਸ ਯੂਨੀਅਨ ਵੱਲੋਂ ਹੋਸਟਲ ਪੂਰਨ ਤੌਰ ’ਤੇ ਖੁਲ੍ਹਵਾਉਣ ਅਤੇ ਸਮੈਸਟਰ ਫੀਸ ਦੇ ਮਾਮਲੇ ਉੱਪਰ ਯੂਨੀਵਰਸਿਟੀ ਗੇਟ ਉੱਪਰ ਦਿਨ-ਰਾਤ ਦਾ ਪੱਕਾ ਧਰਨਾ ਸ਼ੁਰੂ ਕੀਤਾ ਗਿਆ ਹੈ।ਵਿਦਿਆਰਥੀ ਮੰਗ ਕਰ ਰਹੇ ਹਨ ਕਿ ਹੋਸਟਲ ਨੂੰ ਪੂਰੀ ਸਮਰੱਥਾ ਵਿੱਚ ਖੋਲ੍ਹਿਆ ਜਾਵੇ.ਅੱਜ ਸ਼ਾਮ ਨੂੰ ਕੁੜੀਆਂ ਦੇ ਹੋਸਟਲ ਅੱਗੇ ਯੂਨੀਵਰਸਿਟੀ ਪ੍ਰਸ਼ਾਸ਼ਨ ਦਾ ਪੁਤਲਾ ਵੀ ਫੂਕਿਆ ਗਿਆ।ਇਸ ਧਰਨੇ ਨੂੰ ਗੁਰਵਿੰਦਰ, ਕਮਲਦੀਪ ਜਲੂਰ, ਪਰਮਿੰਦਰ ਕੌਰ ਤੇ ਵਰਿੰਦਰ ਖੁਰਾਣਾ ਨੇ ਸੰਬੋਧਨ ਕੀਤਾ। ਸਟੇਜ ਸ਼ਿ੍ਰਸ਼ਟੀ ਨੇ ਚਲਾਈ। ਇਸ ਮੌਕੇ ਨਾਟਕ ‘ਡਰਨਾ’ ਵੀ ਪੇਸ਼ ਕੀਤਾ ਗਿਆ।