ਮੁੰਬਈ, 25 ਨਵੰਬਰ
ਭਾਰਤੀ ਜਲ ਸੈਨਾ ਨੇ ਅੱਜ ਪਣਡੁੱਬੀ ਆਈਐੱਨਐੱਸ ਵੇਲਾ ਨੂੰ ਕਮਿਸ਼ਨ ਦੇ ਦਿੱਤਾ ਹੈ। ਇਸ ਨਾਲ ਦੇਸ਼ ਦੀ ਜਲ ਸੈਨਾ ਦੀ ਤਾਕਤ ਵਿਚ ਵਾਧਾ ਹੋਇਆ। ਭਾਰਤੀ ਜਲ ਸੈਨਾ ਨੇ ਕਲਵਰੀ ਸ਼੍ਰੇਣੀ ਦੀ ਪਣਡੁੱਬੀ ਪ੍ਰਾਜੈਕਟ-75 ਦੇ ਤਹਿਤ ਕੁੱਲ ਛੇ ਪਣਡੁੱਬੀਆਂ ਨੂੰ ਸ਼ਾਮਲ ਕਰਨਾ ਹੈ। ਆਈਐੱਨਐੱਸ ਵੇਲਾ ਇਸ ਸ਼੍ਰੇਣੀ ਦੀ ਚੌਥੀ ਪਣਡੁੱਬੀ ਹੈ ਜੋ ਸੇਵਾ ਵਿੱਚ ਸ਼ਾਮਲ ਕੀਤੀ ਗਈ ਹੈ। ਜਲ ਸੈਨਾ ਮੁਖੀ ਐਡਮਿਰਲ ਕਰਮਬੀਰ ਸਿੰਘ ਦੀ ਮੌਜੂਦਗੀ ਵਿੱਚ ਪਣਡੁੱਬੀ ਨੂੰ ਸੇਵਾ ਵਿੱਚ ਸ਼ਾਮਲ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਜਲ ਸੈਨਾ ਨੇ 21 ਨਵੰਬਰ ਨੂੰ ਜੰਗੀ ਬੇੜੇ ਆਈਐੱਨਐੱਸ ਵਿਸ਼ਾਖਾਪਟਨਮ ਨੂੰ ਕਮਿਸ਼ਨ ਦਿੱਤਾ ਸੀ।