ਨਵੀਂ ਦਿੱਲੀ: ਵਕੀਲ ਜੈ ਅਨੰਤ ਦੇਹਾਦਰਾਈ ਨੇ ਸੁਲਹ-ਸਫਾਈ ਵਜੋਂ ਆਪਣੀ ਸਾਬਕਾ ਪਾਰਟਨਰ ਤ੍ਰਿਣਮੂਲ ਕਾਂਗਰਸ ਆਗੂ ਮਹੂਆ ਮੋਇਤਰਾ ਖਿਲਾਫ਼ ਦਿੱਲੀ ਹਾਈ ਕੋਰਟ ਵਿੱਚ ਦਰਜ ਆਪਣਾ ਮਾਣਹਾਨੀ ਕੇਸ ਵਾਪਸ ਲੈ ਲਿਆ ਹੈ। ਦੇਹਾਦਰਾਈ ਨੇ ਪਿਛਲੇ ਸਾਲ ਮੋਇਤਰਾ ’ਤੇ ਦੋਸ਼ ਲਾਇਆ ਸੀ ਕਿ ਤ੍ਰਿਣਮੂਲ ਕਾਂਗਰਸ ਦੀ ਐੱਮਪੀ ਨੇ ਸੰਸਦ ਵਿਚ ਸਵਾਲ ਪੁੱਛਣ ਲਈ ਕਾਰੋਬਾਰੀ ਤੇ ਹੀਰਾਨੰਦਾਨੀ ਸਮੂਹ ਦੇ ਸੀਈਓ ਦਰਸ਼ਨ ਹੀਰਾਨੰਦਾਨੀ ਤੋਂ ਰਿਸ਼ਵਤ ਲਈ ਸੀ। ਇਨ੍ਹਾਂ ਦੋਸ਼ਾਂ ਕਰਕੇ ਮਹੂਆ ਨੂੰ ਮਗਰੋਂ 8 ਦਸੰਬਰ ਨੂੰ ਲੋਕ ਸਭਾ ’ਚੋਂ ਮੁਅੱਤਲ ਕਰ ਦਿੱਤਾ ਗਿਆ ਸੀ। -ਪੀਟੀਆਈ