ਪੰਜਾਬੀ ਟ੍ਰਿਬਿਊਨ ਵੈੱਬ ਡੈਸਕ
ਗੋਹਾਨਾ, 30 ਜੂਨ
ਇਥੋਂ ਦੇ ਬਰੋਦਾ ਥਾਣੇ ਦੀ ਬੁਟਾਣਾ ਚੌਕੀ ਦੇ ਦੋ ਪੁਲੀਸ ਮੁਲਾਜ਼ਮਾਂ ਨੂੰ ਸੋਮਵਾਰ ਦੀ ਰਾਤ ਨੂੰ ਬਦਮਾਸ਼ਾਂ ਨੇ ਗੋਲੀਆਂ ਮਾਰ ਕੇ ਮਾਰ ਦਿੱਤਾ। ਇਹ ਘਟਨਾ ਇਸ ਚੌਕੀ ਤੋਂ 500 ਮੀਟਰ ਦੀ ਦੂਰੀ ‘ਤੇ ਬੰਦ ਪਏ ਹਰਿਆਲਾ ਸੈਂਟਰ ਨੇੜੇ ਵਾਪਰੀ। ਐੱਸਪੀਓ ਕਪਤਾਨ ਨੂੰ 5 ਅਤੇ ਹੌਲਦਾਰ ਰਵਿੰਦਰ ਨੂੰ 4 ਗੋਲੀਆਂ ਮਾਰੀਆਂ ਗਈਆਂ।
ਪੁਲੀਸ ਨੂੰ ਮੰਗਲਵਾਰ ਤੜਕੇ ਘਟਨਾ ਬਾਰੇ ਪਤਾ ਲੱਗਿਆ, ਜਦੋਂ ਦੋਵਾਂ ਪੁਲੀਸ ਮੁਲਾਜ਼ਮਾਂ ਦੀਆਂ ਲਾਸ਼ਾਂ ਸੜਕ ਕੰਢੇ ਪਈਆਂ ਦੇਖੀਆਂ। ਸੂਚਨਾ ਮਿਲਣ ‘ਤੇ ਰਾਜ ਡੀਜੀਪੀ ਮਨੋਜ ਯਾਦਵ ਅਤੇ ਉੱਚ ਅਧਿਕਾਰੀ ਮੌਕੇ’ ਤੇ ਪਹੁੰਚ ਗਏ। ਲਾਸ਼ਾਂ ਨੂੰ ਸੋਨੀਪਤ ਭੇਜ ਦਿੱਤਾ ਗਿਆ ਹੈ।