ਡੱਬਵਾਲੀ: ਡੱਬਵਾਲੀ-ਜੀਵਨ ਨਗਰ ਦੀ ਸੜਕ ਦੀ ਮੰਦੀ ਹਾਲਤ ਕਾਰਨ ਦੇਸੂਜੋਧਾ ਚੌਕੀ ਦੇ ਮੁਖੀ ਕ੍ਰਿਸ਼ਣ ਕੁਮਾਰ ਦੀ ਜਾਨ ਚਲੀ ਗਈ ਹੈ। ਬੀਤੀ ਰਾਤ ਗੋਰੀਵਾਲਾ ਅਤੇ ਮੌਜਗੜ ਵਿਚਕਾਰ ਸੜਕ ’ਤੇ ਵੱਡੇ-ਵੱਡੇ ਟੋਇਆਂ ਕਾਰਨ ਚੌਕੀ ਮੁਖੀ ਦੀ ਨਿੱਜੀ ਕਾਰ ਬੇਕਾਬੂ ਹੋ ਕੇ ਸੜਕ ਕੰਢੇ ਇੱਕ ਦਰੱਖਤ ਨਾਲ ਟਕਰਾ ਗਈ। ਕਰੀਬ 52 ਸਾਲਾ ਕ੍ਰਿਸ਼ਣ ਕੁਮਾਰ ਬੀਤੀ ਦੇਰ ਰਾਤ ਨਿੱਜੀ ਕਾਰ ’ਤੇ ਏਲਨਾਬਾਦ ਤੋਂ ਡੱਬਵਾਲੀ ਨੂੰ ਵਾਪਸ ਪਰਤ ਰਹੇ ਸਨ। ਸ੍ਰੀ ਕੁਮਾਰ ਹਿਸਾਰ ਜ਼ਿਲ੍ਹੇ ਦੇ ਪਿੰਡ ਚੌਧਰੀ ਵਾਸ ਨਾਲ ਸਬੰਧਤ ਸਨ। ਇਸ ਘਟਨਾ ਨਾਲ ਪੁਲੀਸ ਅਮਲੇ ’ਚ ਸੋਗ ਦੀ ਲਹਿਰ ਹੈ। ਆਮ ਲੋਕਾਂ ਨੇ ਸੜਕ ’ਤੇ ਮੌਤ ਦੇ ਖੂਹ ਬਣ ਰਹੇ ਟੋਇਆ ਨੂੰ ਦਰੁਸਤ ਕਰਵਾਉਣ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ। -ਪੱਤਰ ਪ੍ਰੇਰਕ