ਪੱਤਰ ਪ੍ਰੇਰਕ
ਫਗਵਾੜਾ, 6 ਅਕਤੂਬਰ
ਸਤਨਾਮਪੁਰਾ ਰੇਲਵੇ ਲਾਈਨਾਂ ਦੇ ਹੇਠੋਂ ਦੀ ਰਸਤਾ ਦੇਣ ਦੀ ਮੰਗ ਤੇ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਦੀਆਂ ਕੋਸ਼ਿਸ਼ਾ ਸਦਕਾ ਅੱਜ ਐਕਸੀਅਨ ਰੇਲਵੇ ਵਿਭਾਗ ਨੇ ਆਪਣੀ ਟੀਮ ਸਮੇਤ ਸਤਨਾਮਪੁਰਾ ਰੇਲਵੇ ਲਾਈਨਾਂ ਦਾ ਦੌਰਾ ਕੀਤਾ। ਰੇਲਵੇ ਦੇ ਐਕਸੀਅਨ ਕਪਿਲ ਕੁਮਾਰ ਨੇ ਮੌਕੇ ’ਤੇ ਪੁੱਜ ਕੇ ਲੋਕਾਂ ਦਾ ਪੱਖ ਸੁਣਿਆ। ਲੋਕਾਂ ਨੇ ਮੰਗ ਕੀਤੀ ਕਿ ਘੱਟੋਂ-ਘੱਟ 8 ਫੁੱਟ ਚੌੜਾ ਰਸਤਾ ਦਿੱਤਾ ਜਾਵੇ ਤਾਂ ਜੋ ਲੋਕਾਂ ਦੀ ਲਾਂਘੇ ਦੀ ਮੁਸ਼ਕਿਲ ਦਾ ਹੱਲ ਹੋ ਸਕੇ।
ਉਕਤ ਅਧਿਕਾਰੀ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਨੂੰ ਵੀ ਮਿਲੇ ਤੇ ਦੱਸਿਆ ਕਿ ਇਸ ਰਸਤੇ ਲਈ ਸੜਕਾਂ ਦੇ ਖੰਭਿਆਂ ਦੀ ਸਮੱਸਿਆ ਆਵੇਗੀ। ਸੋਮ ਪ੍ਰਕਾਸ਼ ਨੇ ਕਿਹਾ ਕਿ ਉਹ ਨਿੱਜੀ ਦਿਲਚਸਪੀ ਲੈ ਕੇ ਸਾਰੀਆਂ ਸਮੱਸਿਆਵਾਂ ਦੂਰ ਕਰਵਾਉਣਗੇ। ਇਸ ਮੌਕੇ ਹਰਪ੍ਰੀਤ ਸਿੰਘ ਸੋਨੂੰ, ਸਰਬਜੀਤ ਕੌਰ, ਪਰਮਜੀਤ ਕੌਰ ਕੰਬੋਜ, ਪੁਸ਼ਪਿੰਦਰ ਕੌਰ, ਸਾਬਕਾ ਮੇਅਰ ਅਰੁਨ ਖੋਸਲਾ, ਦਵਿੰਦਰ ਸਿੰਘ, ਬੱਲੂ ਵਾਲੀਆ, ਕੁਲਵੀਰ ਸਿੰਘ ਸਮੇਤ ਕਈ ਇਲਾਕਾ ਵਾਸੀ ਸ਼ਾਮਲ ਸਨ।