ਨਵੀਂ ਦਿੱਲੀ, 30 ਮਾਰਚ
ਵਿਸ਼ੇਸ਼ ਅਦਾਲਤ ਨੇ ਈ.ਡੀ. ਮਾਮਲੇ ਵਿਚ ਪਾਪੂਲਰ ਫਰੰਟ ਆਫ ਇੰਡੀਆ (ਪੀਐਫਆਈ) ਦਿੱਲੀ ਦੇ ਪ੍ਰਧਾਨ ਪ੍ਰਵੇਜ਼ ਅਹਿਮਦ ਦੀ ਨਿਯਮਿਤ ਜ਼ਮਾਨਤ ਪਟੀਸ਼ਨ ਖਾਰਜ ਕਰ ਦਿੱਤੀ ਹੈ। ਉਸ ਨੂੰ ਮਨੀ ਲਾਂਡਰਿੰਗ ਦੇ ਮਾਮਲੇ ਵਿਚ ਕਥਿਤ ਸ਼ਮੂਲੀਅਤ ਲਈ ਗ੍ਰਿਫਤਾਰ ਕੀਤਾ ਗਿਆ ਸੀ। ਇਸ ਦੌਰਾਨ ਅਦਾਲਤ ਨੇ ਇਸ ਕੇਸ ਵਿੱਚ ਮੁਹੰਮਦ ਇਲਿਆਸ (ਜਨਰਲ ਸਕੱਤਰ ਪੀਐਫਆਈ ਦਿੱਲੀ) ਅਤੇ ਅਬਦੁਲ ਮੁਕੀਤ (ਦਫ਼ਤਰ ਸਕੱਤਰ, ਪੀਸੀਆਈ, ਦਿੱਲੀ) ਵੱਲੋਂ ਦਾਖਲ ਜ਼ਮਾਨਤ ਪਟੀਸ਼ਨਾਂ ’ਤੇ ਵੀ ਫੈਸਲਾ ਰਾਖਵਾਂ ਰੱਖ ਲਿਆ ਹੈ।