ਬਠਿੰਡਾ: ਜਥੇਬੰਦਕ ਬਿਜਲੀ ਕਾਮਿਆਂ ਦੇ ਸਿਰਮੌਰ ਆਗੂ ਗੁਰਸੇਵਕ ਸਿੰਘ ਸੰਧੂ ਦਾ ਕਥਿਤ ਸਿਆਸੀ ਆਧਾਰ ’ਤੇ ਹੋਇਆ ਤਬਾਦਲਾ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਮਨਸੂਖ਼ ਕਰ ਦਿੱਤਾ ਹੈ। ਸ੍ਰੀ ਸੰਧੂ ਗੁਰੂ ਨਾਨਕ ਦੇਵ ਥਰਮਲ ਪਲਾਟ ਬਠਿੰਡਾ ’ਚ ਤਾਇਨਾਤ ਸਨ। ਜਦੋਂ ਬਠਿੰਡਾ ਥਰਮਲ ਬੰਦ ਹੋਇਆ ਤਾਂ ਐਡਜਸਟਮੈਂਟ ਤਹਿਤ ਉਨ੍ਹਾਂ ਦੀ ਬਦਲੀ ਬਠਿੰਡਾ ਨੇੜਲੇ ਥਰਮਲ ਲਹਿਰਾ ਮੁਹੱਬਤ ਦੀ ਕਰ ਦਿੱਤੀ ਗਈ। ਇਸ ਦੌਰਾਨ ਉਨ੍ਹਾਂ ਦੀ ਮੁੜ ਬਦਲੀ ਰੋਪੜ ਸਥਿਤ ਥਰਮਲ ਪਲਾਟ ਦੀ ਹੋਈ ਤਾਂ ਉਨ੍ਹਾਂ ਪੰਜਾਬ ਸਰਕਾਰ ਦੇ ਸੀਨੀਅਰ ਮੰਤਰੀ ’ਤੇ ‘ਖੁੰਦਕ’ ਤਹਿਤ ਤਬਾਦਲਾ ਕਰਾਉਣ ਦੇ ਦੋਸ਼ ਲਾਏ। ਬਦਲੀ ਵੇਲੇ ਸੰਧੂ ਦੀ ਸੇਵਾ ਮੁਕਤੀ ’ਚ ਸਿਰਫ ਛੇ ਕੁ ਮਹੀਨੇ ਰਹਿੰਦੇ ਸਨ। ਸੰਧੂ ਵੱਲੋਂ ਇਸ ਮਾਮਲੇ ’ਤੇ ਹਾਈ ਕੋਰਟ ’ਚ ਚੁਣੌਤੀ ਦਿੱਤੀ ਗਈ ਤਾਂ ਅਦਾਲਤ ਨੇ ਆਪਣੇ ਫੈਸਲੇ ’ਚ ਬਦਲੀ ਰੱਦ ਕਰਨ ਦਾ ਹੁਕਮ ਸੁਣਾਇਆ। -ਨਿੱਜੀ ਪੱਤਰ ਪ੍ਰੇਰਕ