ਇਕਬਾਲ ਸਿੰਘ ਸ਼ਾਂਤ
ਡੱਬਵਾਲੀ, 19 ਅਪਰੈਲ
ਇਥੇ ਦਾਣਾ ਮੰਡੀ ਵਿਖੇ ਫਸਲ ਖਰੀਦ ਵਿਚ ਵੱਧ ਕਣਕ ਤੋਲ ਕੇ ਕਿਸਾਨਾਂ ਨੂੰ ਕੁੰਡੀ ਲਗਾਉਣ ਵਾਲੇ 21 ਆੜ੍ਹਤੀਆਂ ਦੇ ਲਾਇਸੰਸ ਮੁਅੱਤਲ ਕੀਤੇ ਗਏ ਹਨ। ਇਹ ਕਾਰਵਾਈ ਪੜਤਾਲ ਮਗਰੋਂ ਸਕੱਤਰ ਮਾਰਕੀਟ ਕਮੇਟੀ ਡੱਬਵਾਲੀ ਵੱਲੋਂ ਅਮਲ ਵਿਚ ਲਿਆਂਦੀ ਗਈ। ਇਨ੍ਹਾਂ ਆੜ੍ਹਤੀਆਂ ਉੱਪਰ ਕਿਸਾਨਾਂ ਦੀ ਪ੍ਰਤੀ ਬੈਗ 60 ਗ੍ਰਾਮ ਤੋਂ 935 ਗ੍ਰਾਮ ਕਣਕ ਵੱਧ ਤੋਲਣ ਦੇ ਦੋਸ਼ ਹਨ। ਨਿਯਮਾਂ ਅਨੁਸਾਰ ਕਣਕ ਦੇ ਬੈਗ ਦੀ ਭਰਾਈ 50 ਕਿੱਲੋ ਹੁੰਦੀ ਹੈ, ਜਦੋਂ ਕਿ ਖਾਲੀ ਬੈਗ ਦਾ ਵਜ਼ਨ 135 ਗ੍ਰਾਮ ਹੁੰਦਾ ਹੈ। ਇਹ ਮਾਮਲਾ ਬੀਤੇ ਦਿਨ ਹਰਿਆਣਾ ਕਿਸਾਨ ਏਕਤਾ ਦੇ ਆਗੂ ਗੁਰਪ੍ਰੇਮ ਸਿੰਘ ਦੇਸੁਜੋਧਾ ਵਗੈਰਾ ਨੇ ਪ੍ਰਸ਼ਾਸਨ ਦੇ ਧਿਆਨ ਵਿਚ ਲਿਆਂਦਾ ਸੀ।