ਪੱਤਰ ਪ੍ਰੇਰਕ
ਦਸੂਹਾ, 25 ਸਤੰਬਰ
ਹੰਸਲੋ ਕੌਂਸਲ ਆਫ ਲੰਡਨ (ਯੂਕੇ) ਦੇ ਡਿਪਟੀ ਮੇਅਰ ਆਦੇਸ਼ ਫਰਮਾਹਨ ਦਾ ਦਸੂਹਾ ਪੁੱਜਣ ’ਤੇ ਵੱਖ-ਵੱਖ ਥਾਵਾਂ ’ਤੇ ਸਨਮਾਨ ਕੀਤਾ ਗਿਆ। ਆਦੇਸ਼ ਫਰਮਾਹਨ ਦਸੂਹਾ ਦੇ ਨੇੜਲੇ ਪਿੰਡ ਪੱਸੀਬੇਟ ਦੇ ਜੰਮਪਲ ਹਨ, ਜਿਨ੍ਹਾਂ ਨੇ ਕਰੀਬ ਤਿੰਨ ਮਹੀਨੇ ਪਹਿਲਾਂ ਹੀ ਲੰਡਨ ’ਚ ਹੋਈਆਂ ਚੋਣਾਂ ਵਿੱਚ ਡਿਪਟੀ ਮੇਅਰ ਦਾ ਅਹੁਦਾ ਹਾਸਲ ਕਰਕੇ ਇਲਾਕੇ ਦਾ ਨਾਂ ਵਿਸ਼ਵ ਪੱਧਰ ’ਤੇ ਚਮਕਾਇਆ ਹੈ। ਉਨ੍ਹਾਂ ਆਪਣੀ ਦਸੂਹਾ ਫੇਰੀ ਦੌਰਾਨ ਸਥਾਨਕ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਨੂੰ 2 ਏਸੀ ਭੇਟ ਕਰਦਿਆਂ ਭਵਿੱਖ ’ਚ ਵੀ ਹਰ ਸੰਭਵ ਸਹਾਇਤਾ ਦਾ ਭਰੋਸਾ ਦਿੱਤਾ।