ਪੱਤਰ ਪ੍ਰੇਰਕ
ਆਦਮਪੁਰ ਦੋਆਬਾ, 24 ਮਈ
ਇਥੋਂ ਦੇ ਸਿਵਲ ਹਵਾਈ ਅੱਡਾ ਦੀ ਤਿਆਰ ਹੋ ਰਹੀ ਨਵੀਂ ਇਮਾਰਤ ਅਤੇ ਸਿਵਲ ਹਵਾਈ ਅੱਡੇ ਨੂੰ ਜਾਣ ਲਈ ਬਣ ਰਹੀ ਸੜਕ ਦੇ ਕੰਮ ਦਾ ਜਾਇਜ਼ਾ ਲੈਣ ਸੰਸਦ ਚੌਧਰੀ ਸੰਤੋਖ ਸਿੰਘ ਪਹੁੰਚੇੇ, ਉਨ੍ਹਾਂ ਦੇ ਨਾਲ ਆਸ਼ਿਕਾ ਜੈਨ (ਏ.ਡੀ.ਸੀ), ਰਾਜਿੰਦਰ ਕੁਮਾਰ (ਐਕਸੀਅਨ) ਅਤੇ ਹੋਰ ਹਾਜ਼ਰ ਸਨ। ਇਸ ਮੌਕੇ ਉਨ੍ਹਾਂ ਨੇ ਆਦਮਪੁਰ ਸਿਵਲ ਹਵਾਈ ਅੱਡੇ ’ਤੇ ਪਹੁੰਚ ਕੇ ਅਧਿਕਾਰੀਆਂ ਨਾਲ ਗੱਲਬਾਤ ਕੀਤੀ ਅਤੇ ਬਣ ਰਹੀ ਸਿਵਲ ਹਵਾਈ ਅੱਡੇ ਦੀ ਇਮਾਰਤ ਬਾਰੇ ਜਾਣਕਾਰੀ ਲਈ। ਉਨ੍ਹਾਂ ਨੇ ਕਾਰਜਾਂ ਨੂੰ ਜਲਦੀ ਬਣਾਉਣ ਲਈ ਕਿਹਾ। ਐੱਮਡੀ ਨਵਨੀਤ ਨੇ ਦੱਸਿਆ ਕਿ ਇਹ ਇਮਾਰਤ ਜਲਦੀ ਹੀ ਤਿਆਰ ਹੋ ਜਾਵੇਗੀ। ਪਿਛਲੇ ਡੇਢ ਸਾਲ ਤੋਂ ਬੰਦ ਹੋਈਆਂ ਉਡਾਣਾਂ ਬਾਰੇ ਚੌਧਰੀ ਸੰਤੋਖ ਸਿੰਘ ਨੇ ਕਿਹਾ ਕਿ ਉਹ ਜਲਦ ਹੀ ਇਸ ਬਾਰੇ ਸਬੰਧਤ ਕੇਂਦਰੀ ਮੰਤਰੀ ਨਾਲ ਗੱਲਬਾਤ ਕਰਨਗੇ ਅਤੇ ਆਦਮਪਰ ਤੋਂ ਜਲਦ ਉਡਾਣਾਂ ਸ਼ੁਰੂ ਕਰਵਾਉਣਗੇ। ਇਸ ਮੌਕੇ ਸਿਵਲ ਹਵਾਈ ਅੱਡੇ ਦੀ ਡਾਇਰੈਕਟਰ ਕਮਲਜੀਤ ਕੌਰ, ਅਨੂਪ ਸਿਵਾਸ਼ਤਵ, ਅਮਿਤ ਕੁਮਾਰ, ਐੱਮ.ਐੱਮ ਅਗਰਵਾਲ ਤੇ ਹੋਰ ਹਾਜ਼ਰ ਸਨ।