ਜੇਨੇਵਾ, 14 ਜਨਵਰੀ
ਵਿਸ਼ਵ ਸਿਹਤ ਸੰਗਠਨ ਦੇ ਪੈਨਲ ਨੇ ਕੋਵਿਡ-19 ਦੇ ਮਰੀਜ਼ਾਂ ਲਈ ਏਲੀ ਲਿਲੀ, ਗਲੈਕਸੋਸਮਿਥਕਲਾਈਨ ਅਤੇ ਵਿਰ’ਜ਼ ਬਾਇਓਟੈਕਨਾਲੋਜੀ ਦੀਆਂ ਦੋ ਦਵਾਈਆਂ ਦੀ ਵਰਤੋਂ ਦੀ ਸਿਫ਼ਾਰਸ਼ ਕੀਤੀ ਹੈ। ਇਸ ਨਾਲ ਤੇਜ਼ੀ ਨਾਲ ਫੈਲ ਰਹੇ ਓਮੀਕਰੋਨ ਵੇਰੀਐਂਟ ਨਾਲ ਸਿੱਝਿਆ ਜਾ ਸਕਦਾ ਹੈ। ਡਬਲਿਊਐਚਓ ਦੇ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਓਮੀਕਰੋਨ ’ਤੇ ਕਈ ਟੀਕੇ ਤੇ ਹੋਰ ਇਲਾਜ ਬੇਅਸਰ ਸਾਬਤ ਹੋ ਰਹੇ ਹਨ। ਕਰੋਨਾ ਦੇ ਇਸ ਨਵੇਂ ਰੂਪ ਨੇ 149 ਦੇਸ਼ਾਂ ਵਿੱਚ ਦਸਤਕ ਦਿੱਤੀ ਹੈ। ਸਿਹਤ ਸੰਸਥਾ ਦੇ ਪੈਨਲ ਨੇ ਗੰਭੀਰ ਕੋਵਿਡ-19 ਮਰੀਜ਼ਾਂ ਲਈ ਲਿਲੀ ਦੇ ਬੈਰੀਸਿਟੀਨਬਿ ਦੀ ਸਿਫਾਰਸ਼ ਕੀਤੀ ਹੈ ਜੋ ਬ੍ਰਾਂਡ ਓਲੂਮੀਅੰਟ ਤਹਿਤ ਵੇਚਿਆ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਹਸਪਤਾਲ ਵਿੱਚ ਦਾਖਲ ਹੋਣ ਵਾਲੇ ਗੈਰ-ਗੰਭੀਰ ਮਰੀਜ਼ਾਂ ਲਈ ਜੀਐਸਕੇ-ਵੀਰ ਐਂਟੀਬਾਡੀ ਥੈਰੇਪੀ ਦੀ ਵਰਤੋਂ ਕਰਨ ਲਈ ਕਿਹਾ ਗਿਆ ਹੈ।