ਲੰਡਨ, 18 ਅਪਰੈਲ
ਬ੍ਰਿਟੇਨ ਦੀ ਵਿਰੋਧੀ ਲੇਬਰ ਪਾਰਟੀ ਨੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਨੂੰ ਆਪਣੀ ਅਗਾਮੀ ਭਾਰਤ ਫੇਰੀ ਰੱਦ ਕਰਨ ਦਾ ਸੱਦਾ ਦਿੱਤਾ ਹੈ। ਜੌਹਨਸਨ ਦਾ ਭਾਰਤ ਦੌਰਾ ਅਗਲੇ ਐਤਵਾਰ ਤੋਂ ਸ਼ੁਰੂ ਹੋਣਾ ਹੈ ਤੇ ਵਿਰੋਧੀ ਪਾਰਟੀ ਨੇ ਮੁਲਕ ਵਿੱਚ ਕੋਵਿਡ-19 ਦਾ ਨਵਾਂ ਵੇਰੀਐਂਟ (ਰੂਪ) ਸਾਹਮਣੇ ਆਉਣ ਮਗਰੋਂ ਪ੍ਰਧਾਨ ਮੰਤਰੀ ਨੂੰ ਆਪਣੀ ਤਜਵੀਜ਼ਤ ਫੇਰੀ ਰੱਦ ਕਰਨ ਲਈ ਕਿਹਾ ਹੈ। ਪਬਲਿਕ ਹੈੱਲਥ ਇੰਗਲੈਂਡ ਨੇ ਯੂਕੇ ਵਿੱਚ ਪਿਛਲੇ ਮਹੀਨੇ ‘ਡਬਲ ਮਿਊਟੈਂਟ’ ਭਾਰਤੀ ਵੇਰੀਐਂਟ ਦੇ 77 ਕੇਸ ਡਿਟੈਕਟ ਕੀਤੇ ਜਾਣ ਦੀ ਪੁਸ਼ਟੀ ਕੀਤੀ ਹੈ। -ਪੀਟੀਆਈ