ਕਾਠਮੰਡੂ, 7 ਜੂਨ
ਨੇਪਾਲ ਦੇ ਪ੍ਰਧਾਨ ਮੰਤਰੀ ਪੁਸ਼ਪ ਕਮਲ ਦਾਹਲ (ਪ੍ਰਚੰਡ) ਨੇ ਅੱਜ ਕਿਹਾ ਕਿ ਉਨ੍ਹਾਂ ਨੇ ਆਪਣੇ ਦਿੱਲੀ ਦੌਰੇ ਦੌਰਾਨ ਭਾਰਤ ਦੀ ਨਵੀਂ ਸੰਸਦ ਵਿੱਚ ‘ਅਖੰਡ ਭਾਰਤ’ ਨਕਸ਼ੇ ਦਾ ਮੁੱਦਾ ਉਠਾਇਆ ਸੀ ਅਤੇ ਭਾਰਤ ਵੱਲੋਂ ਸਪੱਸ਼ਟ ਕੀਤਾ ਗਿਆ ਹੈ ਕਿ ਇਹ ਕੋਈ ਰਾਜਨੀਤਕ ਨਕਸ਼ਾ ਨਹੀਂ ਬਲਕਿ ਇੱੱਕ ਸੱਭਿਆਚਾਰਕ ਨਕਸ਼ਾ ਹੈ। ਪ੍ਰਚੰਡ ਨੇ ਸੰਸਦ ਵਿੱਚ ਅੱਜ ਇਹ ਟਿੱਪਣੀ ਵਿਰੋਧੀ ਸੰਸਦ ਮੈਂਬਰਾਂ ਵੱਲੋਂ ‘ਅਖੰਡ ਭਾਰਤ’ ਨਕਸ਼ੇ, ਜਿਸ ਵਿੱਚ ਨੇਪਾਲ ਦਾ ਇਲਾਕਾ ਵੀ ਸ਼ਾਮਲ ਹੈ, ਉੱਤੇ ਇਤਰਾਜ਼ ਨਾ ਜਤਾਉਣ ਲਈ ਉਨ੍ਹਾਂ ਦੀ ਨਿਖੇਧੀ ਦੇ ਜਵਾਬ ‘ਚ ਕੀਤੀ। ਸੰਸਦ ਮੈਂਬਰਾਂ ਦੇ ਸਵਾਲਾਂ ਦੇ ਜਵਾਬ ਦਿੰਦਿਆਂ ਪ੍ਰਧਾਨ ਮੰਤਰੀ ਪੁਸ਼ਪ ਕਮਲ ਦਾਹਲ ਨੇ ਕਿਹਾ, ”ਮੇਰੇ ਦੌਰੇ ਦੌਰਾਨ ਨਕਸ਼ੇ ਬਾਰੇ ਗੱਲਬਾਤ ‘ਚ ਭਾਰਤ ਵੱਲੋਂ ਕਿਹਾ ਕਿ ਇਹ ਇਕ ਸੱਭਿਆਚਾਰਕ ਨਕਸ਼ਾ ਹੈ ਪਰ ਰਾਜਨੀਤਕ ਨਕਸ਼ਾ ਨਹੀਂ। ਇਸ ਬਾਰੇ ਹੋਰ ਜਾਂਚ ਜਾਰੀ ਰਹੇਗੀ।” -ਪੀਟੀਆਈ