ਕੋਬੇ:
ਭਾਰਤ ਦੇ ਸਚਿਨ ਸਰਜੇਰਾਓ ਖਿਲਾੜੀ ਨੇ ਵਿਸ਼ਵ ਪੈਰਾ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਪੁਰਸ਼ਾਂ ਦੇ ਸ਼ਾਟਪੁਟ ਐੱਫ46 ਵਰਗ ਵਿੱਚ ਏਸ਼ਿਆਈ ਰਿਕਾਰਡ ਨਾਲ ਸੋਨ ਤਗਮਾ ਜਿੱਤ ਲਿਆ ਹੈ। ਭਾਰਤ ਇਸ ਟੂਰਨਾਮੈਂਟ ’ਚ ਹੁਣ ਤੱਕ ਪੰਜ ਸੋਨ ਤਗਮਿਆਂ ਸਣੇ ਕੁੱਲ 11 ਤਗਮੇ ਜਿੱਤ ਚੁੱਕਾ ਹੈ। ਟੂਰਨਾਮੈਂਟ ਵਿੱਚ ਭਾਰਤ ਦਾ ਇਹ ਹੁਣ ਤੱਕ ਦਾ ਸਰਬੋਤਮ ਪ੍ਰਦਰਸ਼ਨ ਹੈ। ਇਸ ਤੋਂ ਪਹਿਲਾਂ ਭਾਰਤ ਨੇ 2023 ਵਿੱਚ ਪੈਰਿਸ ’ਚ ਤਿੰਨ ਸੋਨ ਤਗਮਿਆਂ ਸਣੇ 10 ਤਗਮੇ ਜਿੱਤੇ ਸਨ। ਸਚਿਨ ਨੇ 16.30 ਮੀਟਰ ਦੇ ਥ੍ਰੋਅ ਨਾਲ 16.21 ਮੀਟਰ ਦਾ ਆਪਣਾ ਹੀ ਰਿਕਾਰਡ ਤੋੜਿਆ। -ਪੀਟੀਆਈ