ਬੈਂਕਾਕ:
ਭਾਰਤ ਦੇ ਮੀਰਾਬਾ ਲੁਵਾਂਗ ਮੇਸਨਮ ਨੇ ਅੱਜ ਇੱਥੇ ਥਾਈਲੈਂਡ ਓਪਨ ਸੁਪਰ 500 ਬੈਡਮਿੰਟਨ ਟੂਰਨਾਮੈਂਟ ਵਿੱਚ ਪੁਰਸ਼ ਸਿੰਗਲਜ਼ ਦੇ ਮੁੱਖ ਡਰਾਅ ’ਚ ਜਗ੍ਹਾ ਬਣਾ ਲਈ ਹੈ। ਪ੍ਰਕਾਸ਼ ਪਾਦੂਕੋਨ ਬੈਡਮਿੰਟਨ ਅਕੈਡਮੀ ’ਚ ਸਿਖਲਾਈ ਲੈਣ ਵਾਲੇ ਮਨੀਪੁਰ ਦੇ 21 ਸਾਲਾ ਮੀਰਾਬਾ ਨੇ ਹਮਵਤਨ ਸ਼ਾਸ਼ਵਤ ਦਲਾਲ ਨੂੰ 15-21, 21-14, 21-16 ਨਾਲ ਹਰਾਉਣ ਮਗਰੋਂ ਮਲੇਸ਼ੀਆ ਦੇ ਕੋਕ ਜਿੰਗ ਹੋਂਗ ਨੂੰ 21-19, 21-9 ਨਾਲ ਹਰਾ ਕੇ ਮੁੱਖ ਡਰਾਅ ’ਚ ਜਗ੍ਹਾ ਬਣਾਈ। ਭਲਕੇ ਬੁੱਧਵਾਰ ਨੂੰ ਮੁੱਖ ਡਰਾਅ ਵਿੱਚ ਉਸ ਦਾ ਮੁਕਾਬਲਾ ਹਮਵਤਨ ਐੱਚਐੱਸ ਪ੍ਰਣੌਏ ਨਾਲ ਹੋਵੇਗਾ। -ਪੀਟੀਆਈ