ਮੁੰਬਈ, 13 ਸਤੰਬਰ
ਅਦਾਕਾਰ ਨਮਿਤ ਦਾਸ ਨੇ ਫ਼ਿਲਮ ‘ਆਫ਼ਤ-ਏ-ਇਸ਼ਕ’ ਲਈ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਕਰੋਨਾਵਾਇਰਸ ਮਹਾਮਾਰੀ ਦੇ ਮੱਦੇਨਜ਼ਰ ਲੋੜੀਂਦੇ ਸੁਰੱਖਿਆ ਪ੍ਰਬੰਧਾਂ ਦਰਮਿਆਨ ਨਾਸਿਕ ਵਿੱਚ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ। ਸਾਲ 2015 ’ਚ ਹੰਗਰੀ ’ਚ ਬਣੀ ਬਲੈਕ ਕਾਮੇਡੀ ਫ਼ਿਲਮ ‘ਲੀਜ਼ਾ, ਦਿ ਫੌਕਸ-ਫੇਅਰੀ’ ਦਾ ਨਿਰਦੇਸ਼ਨ ਇੰਦਰਜੀਤ ਨੱਟੋਜੀ ਵੱਲੋਂ ਕੀਤਾ ਜਾ ਰਿਹਾ ਹੈ। ਫ਼ਿਲਮ ’ਚ ਅਮਿਤ ਦਾਸ, ਇਲਾ ਅਰੁਣ, ਅਮਿਤ ਸਿਆਲ, ਵਿਕਰਮ ਕੋਛੜ, ਦੀਪਕ ਡੋਬਰਿਆਲ ਤੇ ਨੇਹਾ ਸ਼ਰਮਾ ਭੂਮਿਕਾਵਾਂ ਨਿਭਾਅ ਰਹੇ ਹਨ। ਇਸ ਸਬੰਧੀ ਨਮਿਤ ਦਾਸ ਨੇ ਕਿਹਾ ਕਿ ਹੰਗਰੀ ਦੀ ਇਹ ਫ਼ਿਲਮ ਵਿਸ਼ਵ ਸਿਨੇਮਾ ਨੂੰ ਪਿਆਰ ਕਰਨ ਵਾਲੇ ਲੋਕਾਂ ਦੀ ਪਸੰਦ ਰਹੀ ਹੈ ਤੇ ਮੇਰੇ ਲਈ ਇਹ ਖ਼ੁਸ਼ਕਿਸਮਤੀ ਹੈ ਕਿ ਮੈਂ ਇੱਕ ਬੇਹੱਦ ਹੁਨਰਮੰਦ ਟੀਮ ਨਾਲ ਇਸ ਦਾ ਭਾਰਤੀ ਰੂਪ ਤਿਆਰ ਕਰਨ ਲਈ ਕੰਮ ਕਰ ਰਿਹਾ ਹਾਂ। ਉਨ੍ਹਾਂ ਦੱਸਿਆ ਕਿ ਇਹ ਫ਼ਿਲਮ ਇਸ ਵਰ੍ਹੇ ਦੇ ਅਖੀਰ ਤੱਕ ਜ਼ੀ5 ’ਤੇ ਆਵੇਗੀ। ਅਮਿਤ ਦਾਸ ਮੀਰਾ ਨਾਇਰ ਦੀ ਫ਼ਿਲਮ ‘ਸੂਟੇਬਲ ਬੁਆਇ’ ਵਿੱਚ ਕੰਮ ਕਰ ਰਹੇ ਹਨ ਜੋ ਕਿ ਵਿਕਰਮ ਸੇਠ ਦੇ ਨਾਵਲ ’ਤੇ ਅਧਾਰਿਤ ਹੈ। -ਪੀਟੀਆਈ