ਨਵੀਂ ਦਿੱਲੀ: ਦਿੱਲੀ ਹਾਈ ਕੋਰਟ ਨੇ ਅੱਜ ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਕਥਿਤ ਜੀਵਨ ਬਾਰੇ ਬਣੀ ਫ਼ਿਲਮ ‘ਨਿਆਏ: ਦਿ ਜਸਟਿਸ’ ਦੀ ਰਿਲੀਜ਼ ’ਤੇ ਰੋਕ ਲਾਉਣ ਤੋਂ ਨਾਂਹ ਕਰ ਦਿੱਤੀ। ਇਹ ਫ਼ਿਲਮ ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਣੀ ਹੈ। ਜਸਟਿਸ ਸੰਜੀਵ ਨਰੂਲਾ ਦੇ ਬੈਂਚ ਨੇ ਅਦਾਕਾਰ ਦੇ ਪਿਤਾ ਕ੍ਰਿਸ਼ਨ ਕਿਸ਼ੋਰ ਸਿੰਘ ਵੱਲੋਂ ਫ਼ਿਲਮ ਤੇ ਉਸ ਦੇ ਪੁੱਤਰ ਨਾਮ ਵਰਤਣ ਜਾਂ ਉਸ ਦੀ ਜੀਵਨੀ ਤੇ ਕਹਾਣੀ ਛਾਪਣ ਖ਼ਿਲਾਫ਼ ਦਾਖ਼ਲ ਕੀਤੀ ਅਰਜ਼ੀ ਰੱਦ ਕਰ ਦਿੱਤੀ। ਅਦਾਲਤ ਨੇ ਆਖਿਆ ਕਿ ਅਰਜ਼ੀ ਅਸਪਸ਼ਟ ਤੇ ਸ਼ੱਕੀ ਸੀ। ਮੁਦੱਈ ਨੇ ਕੋਈ ਠੋਸ ਉਦਾਹਰਨ ਨਹੀਂ ਦਿੱਤੀ ਕਿ ਫ਼ਿਲਮ ਉਸ ਦੇ ਹੱਕ ਦੀ ਕਿਵੇਂ ਉਲੰਘਣਾ ਕਰਦੀ ਹੈ। ਇਸ ਲਈ ਪਟੀਸ਼ਨ ਮਾਪਦੰਡਾਂ ’ਤੇ ਖਰੀ ਨਹੀਂ ਉਤਰਦੀ ਸੀ। -ਆਈਏਐੱਨਐੱਸ