ਪੱਤਰ ਪ੍ਰੇਰਕ
ਲਹਿਰਾਗਾਗਾ, 7 ਜੁਲਾਈ
ਇੱਥੋਂ ਦੇ ਵਾਰਡ ਚਾਰ ਦੀ ਵਸਨੀਕ ਲਵਪ੍ਰੀਤ ਕੌਰ (9) ਦੇ ਵਾਲ ਕਥਿਤ ਤੌਰ ’ਤੇ ਜੈਨਰੇਟਰ ’ਚ ਫਸ ਗਏ ਜਿਸ ਕਰਕੇ ਉਹ ਗੰਭੀਰ ਜ਼ਖ਼ਮੀ ਹੋ ਗਈ। ਉਸ ਨੂੰ ਇਲਾਜ ਲਈ ਪੀਜੀਆਈ ਚੰਡੀਗੜ੍ਹ ’ਚ ਇਲਾਜ ਲਈ ਦਾਖਲ ਕਰਵਾਇਆ ਗਿਆ ਹੈ। ਸਿਟੀ ਪੁਲੀਸ ਅਨੁਸਾਰ ਆਰਥਿਕ ਤੌਰ ’ਤੇ ਕਮਜ਼ੋਰ ਸੁਖਵਿੰੰਦਰ ਸਿੰਘ ਡਰਾਈਵਰੀ ਕਰਦਾ ਹੈ ਅਤੇ ਉਸ ਦੇ ਦੋ ਛੋਟੀਆਂ ਧੀਆਂ ਹਨ। ਬੀਤੀ ਰਾਤ ਬਿਜਲੀ ਜਾਣ ਮਗਰੋ ਜੈਨਰੇਟਰ ਚਲਾਉਣ ਸਮੇਂ ਲਵਪ੍ਰੀਤ ਕੌਰ ਦੀ ਚੂੰਨੀ ਅਤੇ ਵਾਲ ਵਿੱਚ ਫਸ ਗਏ ਜਿਸ ਕਰਕੇ ਉਹ ਜ਼ਖਮੀ ਹੋ ਗਈ। ਇੱਥੋਂ ਦੀ ਸੋਸ਼ਲ ਵੈਲਫੇਅਰ ਕਮੇਟੀ ਨੇ ਇਸ ਪੀੜਤ ਪਰਿਵਾਰ ਦੀ ਇਲਾਜ ਲਈ ਆਰਥਿਕ ਮਦਦ ਕਰਨ ਦਾ ਬੀੜਾ ਚੁੱਕਿਆ ਹੋਇਆ ਹੈ।