ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ, 28 ਨਵੰਬਰ
ਇਥੇ ਅੱਜ ਸਵੇਰੇ ਬੱਸ ਅੱਡੇ ਦੇ ਬਾਹਰ ਦੁਕਾਨਾਂ ਅੱਗੇ ਨਾਲੀ ’ਚ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਮਿਲੀ ਹੈ। ਸਿਟੀ ਪੁਲੀਸ ਨੇ ਏਐੱਸਆਈ ਸੀਤਾ ਰਾਮ ਦੀ ਅਗਵਾਈ ’ਚ ਲਾਸ਼ ਕਢਵਾਕੇ ਸਿਵਲ ਹਸਪਤਾਲ ਮੂਨਕ ’ਚ 72 ਘੰਟੇ ਲਈ ਪਛਾਣ ਲਈ ਰੱਖ ਦਿੱਤੀ ਹੈ। ਐੱਸਐੱਚਓ ਬਿਕਰਮਜੀਤ ਸਿੰਘ ਨੇ ਦੱਸਿਆ ਕਿ ਅਣਪਛਾਤੇ ਵਿਅਕਤੀ ਦੀ ਉਮਰ 55 ਸਾਲ, ਸਿਰ-ਦਾਹੜੀ ਦੇ ਵਾਲਲ ਕੱਟੇ ਹੋਏ। ਕਾਲਾ ਕੁੜਤਾ ਪਜਾਮਾ, ਭੂਰੀ ਕੋਟੀ ਪਾਈ ਹੋਈ ਹੈ। ਇਸ ਦੀ ਮੌਤ ਦਾ ਅਸਲ ਕਾਰਨ ਪੋਸਟਮਾਟਰਮ ਮਗਰੋਂ ਪਤਾ ਲੱਗੇਗਾ। ਇਸ ਦੀ ਪਛਾਣ ਲਈ ਗੁਰੂ ਘਰਾਂ,ਵਟਸਅੱਪ ’ਚ ਲੋਕਾਂ ਨੂੰ ਜਾਣਕਾਰੀ ਦੇਣ ਦੀ ਅਪੀਲ ਕੀਤੀ ਹੈ। ਇਸ ਦੀ ਜਾਣਕਾਰੀ 8054545126 ’ਤੇ ਦਿੱਤੀ ਜਾ ਸਕਦੀ ਹੈ।