ਨਿੱਜੀ ਪੱਤਰ ਪ੍ਰੇਰਕ
ਰਾਜਪੁਰਾ, 6 ਜੁਲਾਈ
ਰੋਟਰੀ ਭਵਨ ਵਿੱਚ ਲੋਕ ਸਾਹਿਤ ਸੰਗਮ ਰਾਜਪੁਰਾ ਦੀ ਸਾਹਿਤਕ ਬੈਠਕ ਡਾ. ਅਮਰਜੀਤ ਕੌਂਕੇ, ਡਾ. ਹਰਜੀਤ ਸਿੰਘ ਸੱਧਰ, ਡਾ. ਗੁਰਵਿੰਦਰ ਅਮਨ ਤੇ ਨਵਦੀਪ ਮੁੰਡੀ ਦੀ ਪ੍ਰਧਾਨਗੀ ਹੇਠ ਹੋਈ। ਸਮਾਗਮ ਵਿੱਚ ਅਮਰੀਕਾ ਰਹਿੰਦੀ ਲੇਖਕਾ ਸੁਧਾ ਓਮ ਢੀਂਗਰਾ ਦੀ ਕਵਿਤਾ ਦੀ ਪੁਸਤਕ ‘ਧੁੱਪ ਨਾਲ ਰੁਸੀ ਚਾਂਦਨੀ’ ਰਿਲੀਜ਼ ਕੀਤੀ ਗਈ। ਇਸ ਪੁਸਤਕ ਦਾ ਅਨੁਵਾਦ ਪੰਜਾਬੀ ਅਤੇ ਹਿੰਦੀ ਦੇ ਕਵੀ ਡਾ. ਅਮਰਜੀਤ ਕਾਉਂਕੇ ਵੱਲੋਂ ਕੀਤਾ ਗਿਆ ਹੈ। ਇਸ ਮੌਕੇ ਕਵੀਆਂ ਅਤੇ ਲੇਖਕਾਂ ਨੇ ਆਪਣੇ ਆਪਣੇ ਫਨ ਦਾ ਮੁਜ਼ਾਹਰਾ ਕੀਤਾ। ਕੁਲਵੰਤ ਜੱਸਲ ਦੇ ਗੀਤ ‘ਜੇ ਐਸ਼ਾਂ ਕਰਨੀਆਂ ਨੇ ਤਾਂ ਮਿੱਤਰਾ ਬਣਜਾ ਤੂੰ ਵੀ ਬਾਬਾ’ ਨੇ ਚੰਗਾ ਰੰਗ ਬੰਨ੍ਹਿਆ। ਡਾ. ਅਮਰਜੀਤ ਕਾਉਂਕੇ ਨੇ ਕਵਿਤਾ ਨਾਲ ਸਭ ਦਾ ਮਨ ਮੋਹ ਲਿਆ। ਇਸ ਮੌਕੇ ਪੰਜਾਬੀ ਸਾਹਿਤਕਾਰ ਹਰਦੀਪ ਸਭਰਵਾਲ ਆਦਿ ਮੌਜੂਦ ਸਨ।