ਮੁਖਤਿਆਰ ਸਿੰਘ
ਦੇਵੀਗੜ੍ਹ, 24 ਸਤੰਬਰ
ਪਿੰਡ ਰੁੜਕੀ ਬੁੱਧ ਸਿੰਘ ਵਾਲੀ ਵਿੱਚ ਨਵੇਂ ਸਥਾਪਤ ਹੋਏ ਬਲਾਕ ਸਿੱਖਿਆ ਅਫਸਰ ਦਾ ਦਫਤਰ ਬਣਿਆ ਹੈ, ਇਸ ਦੇ ਨਾਲ ਹੀ ਕਾਫੀ ਸਾਲਾਂ ਤੋਂ ਸਰਕਾਰੀ ਐਲੀਮੈਂਟਰੀ ਸਕੂਲ ਚੱਲ ਰਿਹਾ ਹੈ ਪਰ ਬੀਈਓ ਦਫਤਰ ਅਤੇ ਸਰਕਾਰੀ ਸਕੂਲ ਦਾ ਗੇਟ ਇਕੋ ਹੀ ਹੈ, ਜਿਸ ਦੇ ਨੇੜੇ ਪਿੰਡ ਦੇ ਹੀ ਕੁਝ ਲੋਕਾਂ ਨੇ ਡੰਗਰਾਂ ਦੇ ਗੋਹੇ ਦੀ ਰੂੜੀ ਲਾ ਦਿੱਤੀ ਹੈ। ਜੋ ਆਉਣ ਵਾਲੇ ਅਧਿਆਪਕਾਂ ਅਤੇ ਬੱਚਿਆਂ ਦਾ ਬੁਦਬੂ ਨਾਲ ਸਵਾਗਤ ਕਰਦੀ ਹੈ। ਇਸ ਸਬੰਧੀ ਜਦੋਂ ਬੀਈਓ ਦੇਵੀਗੜ੍ਹ ਤੋਂ ਜਾਨਣਾ ਚਾਹਿਆ ਤਾਂ ਉਨ੍ਹਾਂ ਕਿਹਾ ਕਿ ਮੇਰੇ ਵੱਲੋਂ ਪਿੰਡ ਦੇ ਸਰਪੰਚ ਨੂੰ ਕਈ ਵਾਰ ਰੂੜੀਆਂ ਹਟਾਉਣ ਬਾਰੇ ਕਿਹਾ ਗਿਅ ਹੈ ਪਰ ਸਰਪੰਚ ਨੇ ਇਸ ਪਾਸੇ ਕੋਈ ਧਿਆਨ ਨਹੀਂ ਦਿੱਤਾ। ਬੀਈਓ ਨੇ ਕਿਹਾ ਕਿ ਸਰਪੰਚ ਨੇ ਇਹ ਵੀ ਦੱਸਿਆ ਕਿ ਐੱਸ.ਡੀ.ਐੱਮ. ਦੁਧਨਸਾਧਾਂ ਦੇ ਧਿਆਨ ਵਿੱਚ ਲਿਆਂਦਾ ਜਾਵੇਗਾ ਤੇ ਰੂੜੀ ਚੁਕਵਾਈ ਜਾਵੇਗੀ। ਬੀਈਓ ਨੇ ਇਹ ਵੀ ਕਿਹਾ ਕਿ ਉਹ ਬੀਡੀਪੀਓ ਨੂੰ ਵੀ ਚਿੱਠੀ ਲਿੱਖ ਕੇ ਰੂੜੀ ਚੁਕਵਾਉਣ ਦੀ ਮੰਗ ਕਰਨਗੇ।