ਗੁਰਨਾਮ ਸਿੰਘ ਅਕੀਦਾ
ਪਟਿਆਲਾ, 19 ਅਪਰੈਲ
ਇੱਥੇ ਅੱਜ ਜੰਗਲਾਤ ਕਾਮਿਆਂ ਵੱਲੋਂ ਸਰਕਾਰ ਨੂੰ ਜਗਾਉਣ ਲਈ ਲੱਕੜ ਮਾਫ਼ੀਆ ਖ਼ਿਲਾਫ਼ ਪ੍ਰਦਰਸ਼ਨ ਕੀਤਾ ਗਿਆ। ਇਹ ਪ੍ਰਦਰਸ਼ਨ ਬੀਤੀ ਰਾਤ ਡਿਊਟੀ ਕਰ ਰਹੇ ਜੰਗਲਾਤ ਕਾਮਿਆਂ ’ਤੇ ਲੱਕੜ ਮਾਫ਼ੀਆ ਵੱਲੋਂ ਕੀਤੇ ਗਏ ਹਮਲੇ ਦੇ ਰੋਸ ਵਜੋਂ ਕੀਤਾ ਗਿਆ। ਇਸ ਦੌਰਾਨ ਸਰਕਾਰ ਤੋਂ ਲੱਕੜ ਮਾਫ਼ੀਆ ਅਤੇ ਐਂਗਲ ਚੋਰਾਂ ਨੂੰ ਨੱਥ ਪਾਉਣ ਦੀ ਮੰਗ ਕੀਤੀ ਗਈ।
ਜੰਗਲਾਤ ਵਿਭਾਗ ਦੇ ਸੂਬਾ ਪ੍ਰਧਾਨ ਜਗਮੋਹਨ ਸਿੰਘ ਨੌਲੱਖਾ ਨੇ ਦੱਸਿਆ ਕਿ ਰਾਤ ਨੂੰ ਡਿਊਟੀ ਕਰ ਰਹੇ ਵਿਭਾਗ ਦੇ ਕਰਮਚਾਰੀਆਂ ਨੂੰ ਲੱਕੜ ਮਾਫ਼ੀਆ ਦੇ ਗੁੰਡਾ ਅਨਸਰਾਂ ਵੱਲੋਂ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਪੰਜਾਬ ਸੁਬਾਰਡੀਨੇਟ ਸਰਵਿਸਜ਼ ਫੈਡਰੇਸ਼ਨ ਦੇ ਸੁਖਪਾਲ ਵਣਪਾਲ ਤੇ ਜਤਿੰਦਰ ਕੁਮਾਰ ਸ਼ਰਮਾ ਨੇ ਮੰਗ ਕੀਤੀ ਕਿ ਰਾਤ ਵੇਲੇ ਹੋ ਰਹੀਆਂ ਚੋਰੀਆਂ ਨੂੰ ਰੋਕਣ ਲਈ ਵੱਡੀ ਪੱਧਰ ’ਤੇ ਟੀਮ ਤਿਆਰ ਕੀਤੀ ਜਾਵੇ, ਬਹਾਦਰੀ ਨਾਲ ਲੜਨ ਵਾਲੇ ਨਿਸ਼ਾਨ ਸਿੰਘ ਡਰਾਈਵਰ ਤੇ ਕਰਨੈਲ ਸਿੰਘ ਬੇਲਦਾਰ ਨੂੰ ਬਹਾਦਰੀ ਸਨਮਾਨ ਪੱਤਰ ਦਿੱਤਾ ਜਾਵੇ। ਰੈਲੀ ਨੂੰ ਬਲਬੀਰ ਸਿੰਘ, ਪ੍ਰੀਤਮ ਚੰਦ, ਰਾਮ ਲਾਲ ਰਾਮਾ, ਮਾਧੋ ਲਾਲ ਪ੍ਰਧਾਨ, ਸੂਰਜ ਪਾਲ ਯਾਦਵ, ਕੁਲਵਿੰਦਰ ਸਿੰਘ, ਤਰਲੋਚਨ ਮਾੜੂ, ਤਰਲੋਚਨ ਮੰਡੌਲੀ, ਦਰਸ਼ਨ ਮਲੇਵਾਲ, ਬਲਵਿੰਦਰ, ਜਗਰੂਪ ਖਾਂ ਨਾਭਾ, ਬਲਜਿੰਦਰ ਅਮਲੋਹ, ਮਹੰਤ ਜੰਗਲੀ ਜੀਵ, ਭੁਪਿੰਦਰ ਨਾਭਾ ਆਦਿ ਨੇ ਸੰਬੋਧਨ ਕੀਤਾ।