ਨਵੀਂ ਦਿੱਲੀ, 4 ਅਕਤੂਬਰ
ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਗ਼ੈਰਕਾਨੂੰਨੀ ਸਰਗਰਮੀਆਂ ਰੋਕੂ ਕਾਨੂੰਨ (ਯੂਏਪੀਏ) ਤਹਿਤ ਹਿਜ਼ਬੁੱਲ ਮੁਜਾਹਿਦੀਨ, ਲਸ਼ਕਰ-ਏ-ਤਇਬਾ ਅਤੇ ਹੋਰ ਪਾਬੰਦੀਸ਼ੁਦਾ ਜਥੇਬੰਦੀਆਂ ਨਾਲ ਜੁੜੇ ਕੁੱਲ ਦਸ ਵਿਅਕਤੀਆਂ ਨੂੰ ਮੰਗਲਵਾਰ ਨੂੰ ਅਤਿਵਾਦੀ ਐਲਾਨ ਦਿੱਤਾ ਹੈ। ਅਤਿਵਾਦੀਆਂ ਵਜੋਂ ਨਾਮਜ਼ਦ ਵਿਅਕਤੀਆਂ ਵਿੱਚ ਹਬੀਬਉੱਲ੍ਹਾ ਮਲਿਕ ਉਰਫ ਸਾਜਿਦ ਜੱਟ (ਪਾਕਿਸਤਾਨੀ ਨਾਗਰਿਕ), ਬਾਸਿਤ ਅਹਿਮਦ ਰੇਸ਼ੀ ਵਾਸੀ ਬਾਰਾਮੁੱਲਾ (ਜੰਮੂ-ਕਸ਼ਮੀਰ), ਇਮਤਿਆਜ਼ ਅਹਿਮਦ ਕੰਦੂ ਉਰਫ਼ ਸਾਜਦ ਵਾਸੀ ਸੋਪੋਰ, ਜ਼ਫਰ ਇਕਬਾਲ ਉਰਫ ਸਲੀਮ ਵਾਸੀ ਪੁਣਛ ਅਤੇ ਸ਼ੇਖ ਜਮੀਲ-ਉਰ-ਰਹਿਮਾਨ ਉਰਫ ਸ਼ੇਖ ਸਾਹਬ ਵਾਸੀ ਪੁਲਵਾਮਾ ਸ਼ਾਮਲ ਹਨ। ਇਹ ਸਾਰੇ ਇਸ ਸਮੇਂ ਪਾਕਿਸਤਾਨ ਵਿੱਚ ਰਹਿੰਦੇ ਹਨ। -ਪੀਟੀਆਈ