ਨਵੀਂ ਦਿੱਲੀ, 3 ਨਵੰਬਰ
ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਜਲਦੀ ਹੀ ਕਰੋਨਾਵਾਇਰਸ ਕਾਰਨ ਝੰਬੀ ਆਰਥਿਕਤਾ ਨੂੰ ਉਭਾਰਨ ਲਈ ਆਰਥਿਕ ਪੈਕੇਜ ਦੀ ਅਗਲੀ ਕੜੀ ਦਾ ਐਲਾਨ ਕਰਨਗੇ। ਆਰਥਿਕ ਮਾਮਲਿਆਂ ਦੇ ਸਕੱਤਰ ਤਰੁਣ ਬਜਾਜ ਨੇ ਕਿਹਾ ਕਿ ਵਿੱਤ ਮੰਤਰਾਲਾ ਵੱਖ-ਵੱਖ ਸੈਕਟਰਾਂ ਵੱਲੋਂ ਦਿੱਤੇ ਸੁਝਾਅ ਤੇ ਬੇਨਤੀਆਂ ਵਿਚਾਰ ਰਿਹਾ ਹੈ। ਮੀਡੀਆ ਨਾਲ ਆਨਲਾਈਨ ਗੱਲਬਾਤ ਦੌਰਾਨ ਬਜਾਜ ਨੇ ਦੱਸਿਆ ਕਿ ਹਾਲੇ ਤਰੀਕ ਤਾਂ ਨਹੀਂ ਦੱਸੀ ਜਾ ਸਕਦੀ ਪਰ ਅਸੀਂ ਪੈਕੇਜ ਉਤੇ ਵਿਚਾਰ ਕਰ ਰਹੇ ਹਾਂ। ਵਿੱਤ ਮੰਤਰੀ ਵੱਲੋਂ ਜਲਦੀ ਹੀ ਇਸ ਦਾ ਐਲਾਨ ਕਰ ਦਿੱਤਾ ਜਾਵੇਗਾ। ਪਿਛਲੇ ਮਹੀਨੇ ਸੀਤਾਰਾਮਨ ਨੇ ਮੰਗ ਵਿਚ ਵਾਧਾ ਕਰਨ ਤੇ ਖ਼ਰਚ ਨੂੰ ਉਤਹਾਸ਼ਿਤ ਕਰਨ ਦੇ ਮੰਤਵ ਨਾਲ ਕਈ ਕਦਮ ਚੁੱਕਣ ਦਾ ਐਲਾਨ ਕੀਤਾ ਸੀ।-ਪੀਟੀਆਈ