ਇਰੋਡ, 28 ਮਾਰਚ
ਤਾਮਿਲ ਨਾਡੂ ’ਚ ਐੱਮਡੀਐੱਮਕੇ ਪਾਰਟੀ ਦੇ ਆਗੂ ਅਤੇ ਇਰੋਡ ਦੇ ਸੰਸਦ ਮੈਂਬਰ ਏ. ਗਣੇਸ਼ਮੂਰਤੀ ਦੀ ਅੱਜ ਸਵੇਰੇ ਕੋਇੰਬਟੂਰ ਦੇ ਹਸਪਤਾਲ ਵਿੱਚ ਮੌਤ ਹੋ ਗਈ। ਉਨ੍ਹਾਂ ਨੇ ਹਾਲ ਹੀ ‘ਚ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਪੁਲੀਸ ਮੁਤਾਬਕ 77 ਸਾਲਾ ਗਣੇਸ਼ਮੂਰਤੀ ਨੇ 24 ਮਾਰਚ ਨੂੰ ਇੱਥੇ ਆਪਣੇ ਘਰ ‘ਚ ਕਥਿਤ ਤੌਰ ‘ਤੇ ਜ਼ਹਿਰੀਲੀਆਂ ਗੋਲੀਆਂ ਖਾ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਪੁਲੀਸ ਨੇ ਪਹਿਲਾਂ ਖੁਦਕੁਸ਼ੀ ਦੀ ਕੋਸ਼ਿਸ਼ ਦਾ ਕੇਸ ਦਰਜ ਕੀਤਾ ਸੀ। ਇਸ ਦੇ ਨਾਲ ਹੀ ਉਸ ਨੇ ਕਿਹਾ ਕਿ ਹੁਣ ਇਸ ਨੂੰ ਮੌਤ ਦੇ ਮਾਮਲੇ ਵਿੱਚ ਬਦਲ ਦਿੱਤਾ ਜਾਵੇਗਾ। ਮਰਹੂਮ ਦੇ ਪਰਿਵਾਰ ’ਚ ਧੀ ਤੇ ਪੁੱਤਰ ਹਨ।