ਗੁਰੂਗ੍ਰਾਮ, 2 ਅਕਤੂਬਰ
ਉੱਤਰ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਤੇ ਸਮਾਜਵਾਦੀ ਪਾਰਟੀ ਆਗੂ ਮੁਲਾਇਮ ਸਿੰਘ ਯਾਦਵ(82) ਨੂੰ ਅੱਜ ਸਿਹਤ ਵਿਗੜਨ ਮਗਰੋਂ ਇਥੇ ਵੇਦਾਂਤਾ ਹਸਪਤਾਲ ਦੇ ਆਈਸੀਯੂ ਵਾਰਡ ਵਿੱਚ ਸ਼ਿਫਟ ਕੀਤਾ ਗਿਆ ਹੈ। ਯਾਦਵ ਹਸਪਤਾਲ ਵਿੱਚ ਪਿਛਲੇ ਕੁਝ ਦਿਨਾਂ ਤੋਂ ਦਾਖ਼ਲ ਹਨ। ਸਪਾ ਪ੍ਰਧਾਨ ਅਖਿਲੇਸ਼ ਯਾਦਵ ਪਿਤਾ ਦੀ ਨਾਸਾਜ਼ ਸਿਹਤ ਦਾ ਪਤਾ ਲਗਦੇ ਹੀ ਲਖਨਊ ਤੋਂ ਦਿੱਲੀ ਲਈ ਰਵਾਨਾ ਹੋ ਗਏ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਅਖਿਲੇਸ਼ ਨੂੰ ਫੋਨ ਕਰਕੇ ਸਪਾ ਆਗੂ ਦਾ ਹਾਲ ਪੁੱਛਿਆ। -ਏਐੱਨਆਈ