ਨਵੀਂ ਦਿੱਲੀ, 27 ਫਰਵਰੀ
ਪੱਛਮੀ ਬੰਗਾਲ ਵਿੱਚ ਵਿਧਾਨ ਸਭਾ ਚੋਣਾਂ ਦੌਰਾਨ ਸੱਤਾਧਾਰੀ ਤ੍ਰਿਣਮੂਲ ਕਾਂਗਰਸ (ਟੀਐੱਮਸੀ) ਅਤੇ ਭਾਜਪਾ ਵਿਚਾਲੇ ਜਿਥੇ ਸਿੱਧਾ ਮੁਕਾਬਲਾ ਹੈ, ਉਥੇ 27 ਮਾਰਚ ਤੋਂ ਅੱਠ ਗੇੜਾਂ ਵਿੱਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਟੀਐੱਮਸੀ ਨੂੰ 294 ਵਿੱਚੋਂ 156 ਸੀਟਾਂ ਅਤੇ ਭਾਜਪਾ ਨੂੰ 100 ਸੀਟਾਂ ਮਿਲਣ ਦਾ ਦਾਅਵਾ ਕੀਤਾ ਗਿਆ ਹੈ। ਇਹ ਦਾਅਵਾ ਆਈਏਐੱਨਐੱਸ ਸੀ ਵੋਟਰ ਦੇ ਸਰਵੇ ਵਿੱਚ ਕੀਤਾ ਗਿਆ ਹੈ। ਸਰਵੇ ਅਨੁਸਾਰ, ਵਿਧਾਨ ਸਭਾ ਚੋਣਾਂ 2016 ਦੇ ਮੁਕਾਬਲੇ ਟੀਐੱਮਸੀ ਨੂੰ 55 ਸੀਟਾਂ ’ਤੇ ਨੁਕਸਾਨ ਝੱਲਣਾ ਪੈ ਸਕਦਾ ਹੈ, ਜਦੋਂਕਿ ਭਾਜਪਾ ਤੀਜੇ ਅੰਕ ਤੱਕ ਪਹੁੰਚ ਸਕਦੀ ਹੈ। ਸਰਵੇ ਵਿੱਚ ਖੱਬੇ ਪੱਖੀ-ਕਾਂਗਰਸ ਗੱਠਜੋੜ ਨੂੰ 35 ਸੀਟਾਂ ਦਿੱਤੀਆਂ ਗਈਆਂ ਹਨ। -ਆਈਏਐੱਨਐੱਸ
ਪੱਛਮੀ ਬੰਗਾਲ ਦੇ ਏਡੀਜੀਪੀ ਨੂੰ ਬਦਲਿਆ
ਕੋਲਕਾਤਾ: ਚੋਣਾਂ ਦੇ ਐਲਾਨ ਤੋਂ ਇੱਕ ਦਿਨ ਬਾਅਦ ਚੋਣ ਕਮਿਸ਼ਨ ਨੇ ਪੱਛਮੀ ਬੰਗਾਲ ਦੇ ਏਡੀਜੀਪੀ (ਕਾਨੂੰਨ ਤੇ ਵਿਵਸਥਾ) ਜਾਵੇਦ ਸ਼ਮੀਮ ਨੂੰ ਬਦਲ ਦਿੱਤਾ ਹੈ। ਉਨ੍ਹਾਂ ਦੀ ਥਾਂ ਜਗਮੋਹਨ ਨੂੰ ਇਹ ਜ਼ਿੰਮੇਵਾਰੀ ਸੌਂਪ ਗਈ ਹੈ, ਜੋ ਫਾਇਰ ਸਟੇਸ਼ਨ ਦੇ ਡਾਇਰੈਕਟਰ ਜਨਰਲ ਹਨ। ਹੁਣ ਜਾਵੇਦ ਸ਼ਮੀਮ ਇਸ ਅਹੁਦੇ ’ਤੇ ਰਹਿੰਦਿਆਂ ਫਾਇਰ ਸਰਵਿਸ ਦਾ ਕੰਮ-ਕਾਜ ਵੇਖਣਗੇ। ਸੰਸਦ ਮੈਂਬਰਾਂ ਸਵਪਨ ਦਾਸਗੁਪਤਾ ਅਤੇ ਅਰਜੁਨ ਸਿੰਘ ਸਣੇ ਭਾਜਪਾ ਦੇ ਇੱਕ ਵਫ਼ਦ ਦੇ ਮਿਲਣ ਤੋਂ ਕੁੱਝ ਘੰਟਿਆਂ ਮਗਰੋਂ ਚੋਣ ਕਮਿਸ਼ਨਰ ਨੇ ਇਹ ਫੇਰਬਦਲ ਕੀਤਾ ਹੈ। -ਪੀਟੀਆਈ