ਮਹਿਸਾਨਾ, 30 ਸਤੰਬਰ
ਗੁਜਰਾਤ ਦੇ ਮਹਿਸਾਨ ਜ਼ਿਲ੍ਹੇ ਵਿੱਚ ਪਿੰਡ ਕਸਾਲਪੁਰਾ ਨੇੜੇ ਅੱਜ ਓਐੱਨਜੀਸੀ ਦੇ ਇੱਕ ਖੂੁਹ ਵਿੱਚ ਵੱਡੇ ਧਮਾਕੇ ਮਗਰੋਂ ਗੈਸ ਰਿਸਣ ਕਾਰਨ ਦੋ ਕਿਲੋਮੀਟਰ ਦੇ ਘੇਰੇ ਅੰਦਰ 10 ਤੋਂ 12 ਪਿੰਡਾਂ ਦੇ ਲੋਕਾਂ ਪ੍ਰਭਾਵਿਤ ਹੋਏ ਹਨ। ਇਹ ਜਾਣਕਾਰੀ ਦਿੰਦਿਆਂ ਅਧਿਕਾਰੀਆਂ ਨੇ ਦੱਸਿਆ ਕਿ ਓਐੱਨਜੀਸੀ ਟੀਮ ਗੈਸ ਲੀਕ ਰੋਕਣ ਦੇ ਕੰਮ ’ਚ ਲੱਗੀ ਹੋਈ ਹੈ। ਵਿਧਾਇਕ ਭਾਰਤਜੀ ਠਾਕੁਰ ਨੇ ਦੱਸਿਆ ਕਿ ਧਮਾਕੇ ਤੜਕੇ ਲਗਪਗ 1 ਵਜੇ ਹੋਇਆ ਅਤੇ 4 ਕਿਲੋਮੀਟਰ ਦੇ ਘੇਰੇ ਵਿੱਚ ਲੋਕਾਂ ਨੂੰ ਧਮਾਕੇ ਦੀ ਆਵਾਜ਼ ਸੁਣਾਈ ਦਿੱਤੀ। ਮੁੱਢਲੇ ਸਿਹਤ ਕੇਂਦਰ ਦੇ ਡਾਕਟਰਾਂ ਵੱਲੋਂ ਪ੍ਰਭਾਵਿਤ ਲੋਕਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। -ਆਈਏਐੱਨਐੱਸ