ਮੁੰਬਈ: ਐੱਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਨੈਸ਼ਨਲ ਸਟਾਕ ਐਕਸਚੇਂਜ ਕੋ-ਲੋਕੇਸ਼ਨ ਘੁਟਾਲਾ ਕੇਸ ਵਿੱਚ ਮੁੰਬਈ ਪੁਲੀਸ ਦੇ ਸਾਬਕਾ ਕਮਿਸ਼ਨਰ ਸੰਜੈ ਪਾਂਡੇ ਨੂੰ ਅੱਜ ਗ੍ਰਿਫ਼ਤਾਰ ਕਰ ਲਿਆ। ਪਾਂਡੇ ਨੂੰ ਕਾਲੇ ਧਨ ਨੂੰ ਸਫੈਦ ਬਣਾਉਣ ਤੋਂ ਰੋਕਣ ਲਈ ਬਣੇ ਐਕਟ (ਪੀਐੱਮਐੱਲਏ) ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਅਧਿਕਾਰੀ ਨੇ ਕਿਹਾ ਕਿ ਪਾਂਡੇ ਨੂੰ ਏਜੰਸੀ ਹੈੱਡਕੁਆਰਟਰ ਵਿੱਚ ਚੱਲੀ ਕਈ ਘੰਟਿਆਂ ਦੀ ਪੁੱਛਗਿੱਛ ਮਗਰੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਏਜੰਸੀ ਨੂੰ ਪਾਂਡੇ ਖਿਲਾਫ਼ ਕਈ ਸਬੂਤ ਮਿਲੇ ਸਨ। ਪਾਂਡੇ ਵੱੱਲੋੋਂ ਸਥਾਪਤ ਫਰਮ, ਉਨ੍ਹਾਂ ਆਈਟੀ ਕੰਪਨੀਆਂ ਵਿੱਚੋਂ ਇਕ ਸੀ ਜਿਸ ਕੋਲ ਸਾਲ 2010 ਤੋਂ 2015 ਦੇ ਅਰਸੇ ਦੌਰਾਨ ਐੱਨਐੱਸਈ ਦਾ ਸੁਰੱਖਿਆ ਆਡਿਟ ਕਰਨ ਦਾ ਕੰਮ ਸੀ ਅਤੇ ਕੋ-ਲੋਕੇਸ਼ਨ ਘੁਟਾਲਾ ਇਸੇ ਦੌਰਾਨ ਹੀ ਹੋਇਆ। -ਪੀਟੀਆਈ