ਟ੍ਰਿਬਿਊਨ ਨਿਊਜ਼ ਸਰਵਿਸ
ਮੰਡੀ, 19 ਸਤੰਬਰ
ਹਰਿਆਣਾ ਰਾਜ ਦੇ ਨੰਬਰ ਵਾਲੀ ਕਾਰ ਐਤਵਾਰ ਨੂੰ ਚੰਡੀਗੜ੍ਹ-ਮਨਾਲੀ ਰਾਜਮਾਰਗ ’ਤੇ ਬਿਆਸ ਨਦੀ ਵਿੱਚ ਡਿੱਗੀ ਦੇਖੀ ਗਈ। ਹੁਣ ਤੱਕ ਕਾਰ ਸਵਾਰਾਂ ਬਾਰੇ ਕੋਈ ਸੁਰਾਗ ਨਹੀਂ ਮਿਲਿਆ। ਪੁਲੀਸ ਅਨੁਸਾਰ ਕੁਝ ਰਾਹਗੀਰਾਂ ਨੇ ਬਿਆਸ ਨਦੀ ਵਿੱਚ ਕਾਰ ਨੂੰ ਦੇਖਿਆ ਅਤੇ ਪੁਲੀਸ ਨੂੰ ਇਸ ਹਾਦਸੇ ਬਾਰੇ ਸੂਚਿਤ ਕੀਤਾ। ਪੁਲੀਸ ਨੇ ਕਾਰ ਵਿੱਚ ਸਵਾਰ ਲੋਕਾਂ ਦਾ ਪਤਾ ਲਗਾਉਣ ਲਈ ਗੋਤਾਖੋਰਾਂ ਨੂੰ ਲਗਾਇਆ ਹੈ। ਪੁਲੀਸ ਪੀੜਤਾਂ ਦੇ ਪਰਿਵਾਰ ਨਾਲ ਸੰਪਰਕ ਸਥਾਪਤ ਕਰਨ ਲਈ ਇਸ ਕਾਰ ਦੇ ਮਾਲਕ ਦਾ ਸੰਪਰਕ ਨੰਬਰ ਵੀ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ।