ਮੁੰਬਈ, 14 ਨਵੰਬਰ
ਮੁੰਬਈ ਦੇ ਕਾਰੋਬਾਰੀ ਨੇ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈਟੀ, ਉਸ ਦੇ ਪਤੀ ਰਾਜ ਕੁੰਦਰਾ ਅਤੇ ਕੁਝ ਹੋਰ ਵਿਅਕਤੀਆਂ ਖ਼ਿਲਾਫ਼ ਕਥਿਤ ਤੌਰ ‘ਤੇ 1.51 ਕਰੋੜ ਰੁਪਏ ਦੀ ਧੋਖਾਧੜੀ ਦਾ ਮਾਮਲਾ ਦਰਜ ਕਰਵਾਇਆ ਹੈ। ਕਾਰੋਬਾਰੀ ਨਿਤਿਨ ਬਰਾਈ ਦੀ ਸ਼ਿਕਾਇਤ ’ਤੇ ਬਾਂਦਰਾ ਥਾਣੇ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ। ਸ਼ਿਕਾਇਤਕਰਤਾ ਨੇ ਦੋਸ਼ ਲਾਇਆ ਕਿ ਜੁਲਾਈ 2014 ਵਿੱਚ ਐੱਸਐੱਫਐੱਲ ਫਿਟਨੈੱਸ ਕੰਪਨੀ ਦੇ ਡਾਇਰੈਕਟਰ ਕਾਸ਼ਿਫ਼ ਖਾਨ ਨੇ ਸ਼ੈੱਟੀ, ਕੁੰਦਰਾ ਅਤੇ ਹੋਰਾਂ ਨਾਲ ਮਿਲ ਕੇ ਉਸ ਨੂੰ ਮੁਨਾਫ਼ਾ ਕਮਾਉਣ ਲਈ ਕੰਪਨੀ ਵਿੱਚ 1.51 ਕਰੋੜ ਰੁਪਏ ਨਿਵੇਸ਼ ਕਰਨ ਲਈ ਕਿਹਾ ਤੇ ਉਸ ਨਾਲ ਧੋਖਾਧੜੀ ਕੀਤੀ ਗਈ।