ਲਾਵਾਰਸ ਵਾਹਨਾਂ ਨੇ ਪੁਲੀਸ ਨੂੰ ਲਿਆਂਦੀਆਂ ਤਰੇਲੀਆਂ : The Tribune India

ਲਾਵਾਰਸ ਵਾਹਨਾਂ ਨੇ ਪੁਲੀਸ ਨੂੰ ਲਿਆਂਦੀਆਂ ਤਰੇਲੀਆਂ

ਲਾਵਾਰਸ ਵਾਹਨਾਂ ਨੇ ਪੁਲੀਸ ਨੂੰ ਲਿਆਂਦੀਆਂ ਤਰੇਲੀਆਂ

ਜਲੰਧਰ ਬਾਈਪਾਸ ਚੌਕ ਵਿੱਚ ਮਿਲੀ ਗੱਡੀ ਦੀ ਜਾਂਚ ਕਰਦੀ ਹੋਈ ਪੁਲੀਸ ਦੀ ਟੀਮ

ਗਗਨਦੀਪ ਅਰੋੜਾ

ਲੁਧਿਆਣਾ, 12 ਅਗਸਤ

ਸਨਅਤੀ ਸ਼ਹਿਰ ਦੇ ਜਲੰਧਰ ਬਾਈਪਾਸ ਚੌਕ ’ਤੇ 2 ਲਾਵਾਰਸ ਹਾਲਤ ’ਚ ਵਾਹਨ ਮਿਲੇ, ਇੱਕ ਇਨੋਵਾ ਕਾਰ ਸੀ ਤੇ ਦੂਸਰੀ ਮਾਲ ਢੋਹਣ ਵਾਲਾ ਛੋਟਾ ਹਾਥੀ। ਜਾਣਕਾਰੀ ਮੁਤਾਬਕ ਕਿਸੇ ਵਿਅਕਤੀ ਨੇ ਚੌਕ ’ਚ ਵਾਹਨ ਖੜ੍ਹੇ ਦੇਖ ਕੇ ਪੁਲੀਸ ਨੂੰ ਸੂਚਨਾ ਦੇ ਦਿੱਤੀ। ਇਹ 2 ਵਾਹਨ ਬੀਤੀ ਦੇਰ ਸ਼ਾਮ ਤੋਂ ਚੌਕ ਦੇ ਵਿਚਕਾਰ ਲਾਵਾਰਸ ਹਾਲਤ ਵਿੱਚ ਖੜ੍ਹੇ ਸਨ, ਜਿਨ੍ਹਾਂ ਦੇ ਵਾਰਸਾਂ ਬਾਰੇ ਲੋਕਾਂ ਨੂੰ ਕੋਈ ਪਤਾ ਨਹੀਂ ਲੱਗ ਰਿਹਾ ਸੀ। ਚੌਕ ’ਚ ਖੜ੍ਹੇ ਸੁਰੱਖਿਆ ਮੁਲਾਜ਼ਮਾਂ ਨੇ ਤੁਰੰਤ ਥਾਣਾ ਸਲੇਮ ਟਾਬਰੀ ਦੀ ਪੁਲੀਸ ਨੂੰ ਸੂਚਨਾ ਦਿੱਤੀ। ਲਾਵਾਰਸ ਹਾਲਤ ’ਚ ਗੱਡੀਆਂ ਮਿਲਣ ’ਤੇ ਏਸੀਪੀ ਮਨਿੰਦਰ ਬੇਦੀ ਵੀ ਮੌਕੇ ’ਤੇ ਪੁੱਜ ਗਏ। ਏਸੀਪੀ ਨੇ ਮੌਕਾ ਦੇਖਿਆ ਤੇ ਤੁਰੰਤ ਬੰਬ ਡਿਸਪੋਜ਼ ਟੀਮ ਤੇ ਡਾਗ ਸੁਕੈਅਡ ਨੂੰ ਸੂਚਨਾ ਦਿੱਤੀ। ਕਰੀਬ ਅੱਧੇ ਘੰਟੇ ਬਾਅਦ ਬੰਬ ਸੁਕੈਅਡ ਮੌਕੇ ’ਤੇ ਪੁੱਜਿਆ। ਇਸ ਤੋਂ ਬਾਅਦ ਚੌਕ ਨੂੰ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਗਿਆ। ਕਰੀਬ 100 ਫੁੱਟ ਦੂਰੀ ’ਤੇ ਲੋਕਾਂ ਨੂੰ ਖੜ੍ਹਾ ਕੇ ਜਾਂਚ ਸ਼ੁਰੂ ਕੀਤੀ ਗਈ। ਇਨੋਵਾ ਦਾ ਇੱਕ ਇੱਕ ਹਿੱਸਾ ਚੰਗੀ ਤਰ੍ਹਾਂ ਚੈੱਕ ਕੀਤਾ ਗਿਆ। ਬੰਬ ਡਿਸਪੋਜ਼ ਟੀਮ ਦੀ ਰਿਪੋਰਟ ਤੋਂ ਬਾਅਦ ਪੁਲੀਸ ਉਥੋਂ ਵਾਹਨ ਲੈ ਕੇ ਗਈ, ਜਦੋਂ ਕਿ ਛੋਟੇ ਹਾਥੀ ਵਾਹਨ ਦਾ ਮਾਲਕ ਖੁਦ ਮੌਕੇ ’ਤੇ ਪੁੱਜ ਗਿਆ ਤੇ ਵਾਹਨ ਲੈ ਗਿਆ। ਲਾਵਾਰਸ ਵਾਹਨਾਂ ਦੇ ਮਿਲਣ ਨਾਲ ਏਡੀਸੀਪੀ ਰੁਪਿੰਦਰ ਕੌਰ ਸਰਾਓ ਵੀ ਮੌਕੇ ’ਤੇ ਪੁੱਜ ਗਏ। ਚੈਕਿੰਗ ਦੌਰਾਨ ਕਈ ਲੋਕਾਂ ਦੇ ਵਾਹਨ ਵੀ ਚੈੱਕ ਕੀਤੇ ਗਏ। ਏਸੀਪੀ ਮਨਿੰਦਰ ਬੇਦੀ ਨੇ ਕਿਹਾ ਕਿ ਆਜ਼ਾਦੀ ਦਿਵਸ ਨੂੰ ਲੈ ਕੇ ਸੁਰੱਖਿਆ ਦੇ ਪੁਖ਼ਤਾ ਪ੍ਰਬੰਧ ਕੀਤੇ ਗਏ ਹਨ। ਕੋਈ ਸ਼ਰਾਰਤੀ ਅਨਸਰ ਹਾਲਾਤ ਖਰਾਬ ਨਾ ਕਰੇ, ਇਸ ਲਈ ਪੁਲੀਸ ਚੌਕਸ ਹੈ। ਮਨਿੰਦਰ ਬੇਦੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਖੁਦ ਆਪਣਾ ਦਫ਼ਤਰ ਹੀ ਚੌਕ ’ਚ ਬਣਾ ਰੱਖਿਆ ਹੈ। ਚੌਕ ’ਚ ਬਣੀ ਪਾਰਕ ’ਚ ਉਨ੍ਹਾਂ ਨੇ ਆਪਣਾ ਦਫ਼ਤਰ ਲਾਇਆ ਹੈ। ਉਧਰ, ਕੁਰਸੀ ਟੇਬਲ ਲਾ ਕੇ ਉਹ ਬੈਠਦੇ ਹਨ। ਇਸ ਚੌਕ ’ਚ ਦਫ਼ਤਰ ਬਣਾਉਣ ਦਾ ਇੱਕ ਹੋਰ ਕਾਰਨ ਇਹ ਹੈ ਕਿ ਸ਼ਹਿਰ ਦਾ ਜਲੰਧਰ ਬਾਈਪਾਸ ਐਂਟਰੀ ਪੁਆਇੰਟ ਹੈ।  

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਵਧਦੀਆਂ ਕੀਮਤਾਂ ਅਤੇ ਅਰਥਚਾਰੇ ਦੀ ਖੜੋਤ

ਵਧਦੀਆਂ ਕੀਮਤਾਂ ਅਤੇ ਅਰਥਚਾਰੇ ਦੀ ਖੜੋਤ

ਕਰਤਾਰਪੁਰ ਸਾਹਿਬ ਦੇ ਦਰਸ਼ਨ-ਦੀਦਾਰੇ

ਕਰਤਾਰਪੁਰ ਸਾਹਿਬ ਦੇ ਦਰਸ਼ਨ-ਦੀਦਾਰੇ

ਲੜਖੜਾ ਰਹੀ ਕੈਨੇਡਾ ਦੀ ਰੀਅਲ ਅਸਟੇਟ

ਲੜਖੜਾ ਰਹੀ ਕੈਨੇਡਾ ਦੀ ਰੀਅਲ ਅਸਟੇਟ

ਬੇਹਿਸਾਬ ਲਾਲਚ ਦੇ ਘੁੱਟ

ਬੇਹਿਸਾਬ ਲਾਲਚ ਦੇ ਘੁੱਟ

ਭਾਰਤੀ ਅਰਥਚਾਰਾ ਸਵਾਲਾਂ ਦੇ ਘੇਰੇ ’ਚ

ਭਾਰਤੀ ਅਰਥਚਾਰਾ ਸਵਾਲਾਂ ਦੇ ਘੇਰੇ ’ਚ

ਮੁੱਖ ਖ਼ਬਰਾਂ

ਗੁਜਰਾਤ ਵਿੱਚ ਮੁੜ ਖਿੜੇਗਾ ਕਮਲ

ਗੁਜਰਾਤ ਵਿੱਚ ਮੁੜ ਖਿੜੇਗਾ ਕਮਲ

ਹਿਮਾਚਲ ਪ੍ਰਦੇਸ਼ ਵਿੱਚ ਭਾਜਪਾ ਤੇ ਕਾਂਗਰਸ ਦਰਮਿਆਨ ਫਸਵੀਂ ਟੱਕਰ

ਹਰਿਆਣਾ ਸਰਕਾਰ ਵੱਲੋਂ ਕਿਸਾਨ ਅੰਦੋਲਨ ਦੌਰਾਨ ਦਰਜ ਕੇਸ ਰੱਦ ਕਰਨ ਦੀ ਤਿਆਰੀ

ਹਰਿਆਣਾ ਸਰਕਾਰ ਵੱਲੋਂ ਕਿਸਾਨ ਅੰਦੋਲਨ ਦੌਰਾਨ ਦਰਜ ਕੇਸ ਰੱਦ ਕਰਨ ਦੀ ਤਿਆਰੀ

ਕੇਸਾਂ ਦੀ ਮੌਜੂਦਾ ਸਥਿਤੀ ਜਾਣਨ ਲਈ ਗ੍ਰਹਿ ਮੰਤਰੀ ਅੱਜ ਕਰਨਗੇ ਅਧਿਕਾਰੀਆ...

ਸ਼ਹਿਰ

View All