ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 2 ਮਈ
ਥਾਣਾ ਡਿਵੀਜ਼ਨ ਨੰਬਰ-3 ਦੇ ਇਲਾਕੇ ਮੁਹੱਲਾ ਰਣਜੀਤ ਸਿੰਘ ਪਾਰਕ ਸਥਿਤ ਇੱਕ ਘਰ ’ਤੇ ਹਮਲਾ ਕਰਕੇ ਪਰਿਵਾਰਕ ਮੈਂਬਰਾਂ ਦੀ ਕੁੱਟਮਾਰ ਕਰਨ ਦੇ ਦੋਸ਼ ਹੇਠ ਔਰਤ ਸਮੇਤ ਤਿੰਨ ਜਣਿਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਮੁਹੱਲਾ ਰਣਜੀਤ ਸਿੰਘ ਪਾਰਕ ਵਾਸੀ ਮੁਹੰਮਦ ਇਕਲਾਕ ਨੇ ਦੱਸਿਆ ਕਿ ਮੁਹੱਲਾ ਕ੍ਰਿਪਾਲ ਨਗਰ ਵਾਸੀ ਅਨਿਲ ਪਾਂਡੇ, ਉਸ ਦੀ ਪਤਨੀ ਸੁਨੀਤਾ ਅਤੇ ਉਸ ਦੇ ਪੁੱਤਰਾਂ ਸ਼ਿਵਾਂਸ਼ੂ ਅਤੇ ਸ਼ਿਵਮ ਨੇ ਘਰ ਅੰਦਰ ਆ ਕੇ ਉਸ ਤੋਂ ਇਲਾਵਾ ਉਸ ਦੀ ਪਤਨੀ ਅਤੇ ਬੇਟੀ ਦੀ ਕੁੱਟਮਾਰ ਕਰਦਿਆਂ ਭੰਨ-ਤੋੜ ਵੀ ਕੀਤੀ ਹੈ। ਪੁਲੀਸ ਨੇ ਸ਼ਿਵਾਂਸ਼ੂ ਤੇ ਸ਼ਿਵਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।