ਨਵੀਂ ਦਿੱਲੀ: ਪਦਮਸ੍ਰੀ ਪੁਰਸਕਾਰ ਨਾਲ ਸਨਮਾਨਿਤ ਲੇਖਿਕਾ ਅਤੇ ਪ੍ਰਸਿੱਧ ਕਹਾਣੀਕਾਰ ਮਾਲਤੀ ਜੋਸ਼ੀ ਦਾ ਬੁੱਧਵਾਰ ਨੂੰ ਦੇਹਾਂਤ ਹੋ ਗਿਆ। ਉਨ੍ਹਾਂ ਉਮਰ 90 ਸਾਲ ਸੀ। ਮਾਲਤੀ ਨੇ ਆਪਣੇ ਪੁੱਤਰ ਅਤੇ ਇੰਦਰਾ ਗਾਂਧੀ ਨੈਸ਼ਨਲ ਸੈਂਟਰ ਫਾਰ ਆਰਟਸ ਦੇ ਮੈਂਬਰ ਸਕੱਤਰ ਸਚਿਦਾਨੰਦ ਜੋਸ਼ੀ ਦੀ ਦਿੱਲੀ ਸਥਿਤ ਰਿਹਾਇਸ਼ ’ਤੇ ਆਖਰੀ ਸਾਹ ਲਿਆ। ‘ਮਾਲਵਾ ਕੀ ਮੀਰਾ’ ਦੇ ਨਾਂ ਨਾਲ ਮਸ਼ਹੂਰ ਮਾਲਤੀ ਜੋਸ਼ੀ ਨੂੰ 2018 ਵਿੱਚ ਤਤਕਾਲੀ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਪਦਮਸ੍ਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਸੀ। ਮਾਲਤੀ ਜੋਸ਼ੀ ਨੇ ਹਿੰਦੀ ਤੇ ਮਰਾਠੀ ਭਾਸ਼ਾ ’ਚ 60 ਤੋਂ ਵੱਧ ਕਿਤਾਬਾਂ ਲਿਖੀਆਂ। ਉਨ੍ਹਾਂ ਦੀਆਂ ਪ੍ਰਸਿੱਧ ਰਚਨਾਵਾਂ ’ਚ ਕਹਾਣੀਆਂ ‘ਮੱਧਿਆਂਤਰ’, ‘ਪਟਾਕਸ਼ੇਪ’, ‘ਪਰਾਜਯ’, ‘ਏਕ ਘਰ ਸਪਨੋਂ ਕਾ’ ਅਤੇ ‘ਵੋਹ ਤੇਰਾ ਘਰ, ਯੇਹ ਮੇਰਾ ਘਰ’ ਅਤੇ ਨਾਵਲ ‘ਔਰਤ ਏਕ ਰਾਤ ਹੈ’ ਸ਼ੁਮਾਰ ਹਨ। -ਪੀਟੀਆਈ