ਪੱਤਰ ਪ੍ਰੇਰਕ
ਯਮੁਨਾਨਗਰ, 17 ਜੁਲਾਈ
ਪ੍ਰੈੱਸ ਕਲੱਬ ਯਮੁਨਾਨਗਰ ਦਾ ਵਫ਼ਦ ਅੱਜ ਨਗਰ ਨਿਗਮ ਦਫ਼ਤਰ ਵਿੱਚ ਮੇਅਰ ਮਦਨ ਚੌਹਾਨ ਨੂੰ ਮਿਲਿਆ। ਇਸ ਦੌਰਾਨ ਕਲੱਬ ਦੇ ਪ੍ਰਧਾਨ ਪ੍ਰਭਜੀਤ ਸਿੰਘ ਲੱਕੀ ਦੀ ਪ੍ਰਧਾਨਗੀ ਹੇਠ ਪੱਤਰਕਾਰਾਂ ਨੇ ਮੇਅਰ ਮਦਨ ਚੌਹਾਨ ਨੂੰ ਮੰਗ ਪੱਤਰ ਸੌਂਪ ਕੇ ਮੰਗ ਕੀਤੀ ਕਿ ਚੰਡੀਗੜ੍ਹ ਦੀ ਤਰਜ਼ ’ਤੇ ਯਮੁਨਾਨਗਰ ਵਿੱਚ ਵੀ ਪੱਤਰਕਾਰਾਂ ਲਈ ਭਵਨ ਬਣਾਇਆ ਜਾਵੇ। ਮੇਅਰ ਮਦਨ ਚੌਹਾਨ ਨੇ ਪੱਤਰਕਾਰਾਂ ਨੂੰ ਭਰੋਸਾ ਦਿੱਤਾ ਕਿ ਉਨ੍ਹਾਂ ਦੀ ਮੰਗ ਪੂਰੀ ਕੀਤੀ ਜਾਵੇਗੀ। ਇਸ ਮੌਕੇ ਪੱਤਰਕਾਰ ਓਮ ਪਾਹਵਾ, ਹਰੀਸ਼ ਕੋਹਲੀ, ਵਰਿੰਦਰ ਤਿਆਗੀ, ਸਰਵਜੀਤ ਬਾਵਾ, ਪੋਪਿਨ ਪੰਵਾਰ, ਲੋਕੇਸ਼ ਅਰੋੜਾ, ਅਵਤਾਰ ਚੁੱਘ ਤੇ ਸਤੀਸ਼ ਧੀਮਾਨ ਸਣੇ ਪ੍ਰੈੱਸ ਕਲੱਬ ਦੇ ਮੈਂਬਰ ਹਾਜ਼ਰ ਸਨ।