ਹਤਿੰਦਰ ਮਹਿਤਾ
ਆਦਮਪੁਰ ਦੋਆਬਾ, 2 ਜੂਨ
ਇਥੋਂ ਦੀ ਪੁਲੀਸ ਵਲੋਂ ਬੀਤੇ ਦਿਨੀਂ ਫੜਿਆ ਕਥਿਤ ਮੱਝ ਚੋਰ ਕਰੋਨਾ ਪਾਜ਼ੇਟਿਵ ਨਿਕਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇੰਦਰਜੀਤ ਕੁਮਾਰ ਪੁੱਤਰ ਜਸਵੰਤ ਲਾਲ ਵਾਸੀ ਰੰਧਾਵਾ ਕਮੋਟੀ ਨੂੰ ਸਥਾਨਕ ਪੁਲੀਸ ਨੇ ਮੱਝਾਂ ਚੋਰੀ ਕਰਨ ਦੇ ਦੋਸ਼ ਵਿੱਚ ਕਾਬੂ ਕੀਤਾ ਸੀ ਤੇ ਇਸ ਦੇ ਕੋਰੋਨਾ ਸੈਂਪਲ ਵੀ ਲਏ ਗਏ ਸਨ ਜਿਨ੍ਹਾਂ ਦੀ ਅੱਜ ਰਿਪੋਰਟ ਆਊਣ ਤੋਂ ਬਾਅਦ ਪਤਾ ਲੱਗਾ ਕਿ ਇੰਦਰਜੀਤ ਕੁਮਾਰ ਕਰੋਨਾ ਪੀੜਤ ਹੈ। ਇਸ ਸਬੰਧ ਵਿੱਚ ਵਧੀਕ ਐੱਸਐੱਚਓ ਜੀ ਐੱਸ ਨਾਗਰਾ ਨੇ ਦੱਸਿਆ ਕਿ ਆਦਮਪੁਰ ਪੁਲੀਸ ਸਟੇਸ਼ਨ ਦੀ ਸਾਰੀ ਇਮਾਰਤ ਨੂੰ ਸੈਨੇਟਾਇਜ਼ਰ ਕਰਵਾ ਦਿੱਤਾ ਹੈ। ਮੁਲਾਜ਼ਮ ਕੋਰੋਨਾ ਟੈਸਟ ਕਰਵਾ ਰਹੇ ਹਨ।