ਹਤਿੰਦਰ ਮਹਿਤਾ
ਆਦਮਪੁਰ ਦੋਆਬਾ, 2 ਦਸੰਬਰ
ਰੇਲਵੇ ਸਟੇਸ਼ਨ ਅਲਾਵਲਪੁਰ ਦੇ ਇਕ ਕਰਮਚਾਰੀ ਦੀ ਰੇਲ ਗੱਡੀ ਦੀ ਚਪੇਟ ਵਿੱਚ ਆਉਣ ਕਾਰਨ ਮੌਤ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਲਾਵਲਪੁਰ ਰੇਲਵੇ ਸਟੇਸ਼ਨ ਦਾ ਇਕ ਕਰਮਚਾਰੀ ਜਦੋਂ ਫਾਟਕ ਨੰਬਰ 21 ਨੇੜੇ ਸਿਕੰਦਰਪੁਰ ਸਥਿਤ ਕਾਂਟਾ ਬਦਲ ਰਿਹਾ ਸੀ ਤਾਂ ਅਚਾਨਕ ਜਲੰਧਰ ਵਲੋਂ ਆ ਰਹੀ ਪੈਸੰਜਰ ਰੇਲ ਗੱਡੀ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ ਜਿਸ ਕਾਰਨ ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਹ ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਜਲੰਧਰ ਤੋਂ ਪਠਾਨਕੋਟ ਵੱਲ ਪੈਸੇਂਜਰ ਗੱਡੀ ਜਾ ਰਹੀ ਸੀ । ਮ੍ਰਿਤਕ ਕਰਮਚਾਰੀ ਗੁੱਡੂ ਸਿੰਘ ਮੀਣਾ (ਕਾਂਟੇ ਵਾਲਾ ) ਜ਼ਿਲ੍ਹਾ ਅਲਵਰ ਰਾਜਸਥਾਨ ਦਾ ਰਹਿਣ ਵਾਲਾ ਸੀ । ਘਟਨਾ ਸਥਾਨ ’ਤੇ ਰੇਲਵੇ ਪੁਲੀਸ ਚੌਕੀ ਅਲਾਵਲਪੁਰ ਦੇ ਇੰਚਾਰਜ ਕਰਨੈਲ ਚੰਦ ਅਤੇ ਜਲੰਧਰ ਤੋਂ ਰੇਲਵੇ ਪੁਲੀਸ ਵਿਭਾਗ ਦੇ ਏਐੱਸਆਈ ਨਰਿੰਦਰਪਾਲ ਸਿੰਘ ਪਹੁੰਚੇ। ਉਨ੍ਹਾਂ ਲਾਸ਼ ਕਬਜ਼ ਵਿੱਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।