ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 24 ਸਤੰਬਰ
ਦਿੱਲੀ ਦੇ ਉਪ ਰਾਜਪਾਲ ਵੀ.ਕੇ. ਸਕਸੈਨਾ ਨੇ ਪਾਣੀ ਦੇ ਬਿੱਲਾਂ ਵਿੱਚ ਕਥਿਤ ਤੌਰ ’ਤੇ 20 ਕਰੋੜ ਰੁਪਏ ਦੀ ਗਬਨ ਕਰਨ ਲਈ ਦਿੱਲੀ ਜਲ ਬੋਰਡ ਇੱਕ ਬੈਂਕ ਤੇ ਇੱਕ ਨਿੱਜੀ ਕੰਪਨੀ ਦੇ ਅਧਿਕਾਰੀਆਂ ਵਿਰੁੱਧ ਐੱਫਆਈਆਰ ਦਰਜ ਕਰਨ ਦਾ ਹੁਕਮ ਦਿੱਤਾ ਹੈ। ਉਪ ਰਾਜਪਾਲ ਦਫਤਰ ਦੇ ਸੂਤਰਾਂ ਨੇ ਦੱਸਿਆ ਕਿ ਸ੍ਰੀ ਸਕਸੈਨਾ ਨੇ ਇਸ ਮਾਮਲੇ ’ਚ 15 ਦਿਨਾਂ ਦੇ ਅੰਦਰ ਕਾਰਵਾਈ ਦੀ ਰਿਪੋਰਟ ਮੰਗੀ ਹੈ। ਸੂਤਰਾਂ ਮੁਤਾਬਕ ਮਾਮਲਾ ਪਹਿਲੀ ਵਾਰ 2019 ‘ਚ ਸਾਹਮਣੇ ਆਇਆ ਸੀ ਕਿ ਖਪਤਕਾਰਾਂ ਤੋਂ ਪਾਣੀ ਦੇ ਬਿੱਲਾਂ ‘ਚ 20 ਕਰੋੜ ਰੁਪਏ ਦਿੱਲੀ ਜਲ ਬੋਰਡ ਦੇ ਬੈਂਕ ਖਾਤੇ ‘ਚ ਜਮ੍ਹਾ ਨਹੀਂ ਕਰਵਾਏ ਗਏ ਸਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਦੋਸ਼ਾਂ ਦੇ ਬਾਵਜੂਦ, ਬਿੱਲਾਂ ਦੀ ਉਗਰਾਹੀ ਵਿੱਚ ਸ਼ਾਮਲ ਕੰਪਨੀ ਦਾ ਇਕਰਾਰਨਾਮਾ ਜੋ ਇਸ ਨੇ ਨਕਦ ਅਤੇ ਚੈੱਕਾਂ ਵਿੱਚ ਕੀਤਾ ਸੀ ਨੂੰ ਵਧਾ ਦਿੱਤਾ ਗਿਆ ਸੀ।